• USD 424.85

  • EUR 504.21

  • RUB 5.84

  • CNY 65.86

16 Qazan, 02:52:36
Almaty
+4°

Ulybrıtanııa, AQSh jáne Avstralııa arasyndaǵy jańa qaýipsizdik kelisimine baılanysty daý týyp, Fransııa Avstralııany aıyptady.

Avstralııa atomdyq súńgýir kemeler týraly "Aukus" kelisimine qol qoıǵannan keıin Fransııa Avstralııany "ózara kelisimdi buzdy" dep ashýlandy.

Al, Ulybrıtanııa premer-mınıstri Borıs Djonson Fransııaǵa kelisimnen alańdaıtyn eshteńe joq ekenin aıtty.

Biraq Fransııa qorǵanys mınıstriniń Ulybrıtanııalyq áriptesimen osy aptada Londonda kezdesýi toqtatyldy.

Beıjińniń Ońtústik Qytaı teńizindegi yqpalyna qarsy turý áreketi retinde ótken aptada Vashıngton, London jáne Kanberra arasynda "Aukus" kelisimi jasalǵan. Alaıda, bul kelisim Avstralııa men Fransııa arasynda 2016 jyly bolǵan súńgýir keme jasaý týraly 37 mıllıard dollarlyq mámileni aıaqtatpaq.

Fransııa Syrtqy ister mınıstri Jan-Iv Le Drıan bul "odaqtastar men seriktester arasyndaǵy jol berilmeıtin minez-qulyq" bolyp esepteletinin jetkizdi jáne "tý syrttan urylǵan pyshaq" dep sıpattady.

Fransııa prezıdenti Emmanýel Makron Vashıngton men Kanberradaǵy fransýz elshilerin shaqyrtyp alýǵa buıryq berdi. Bul odaqtastar arasynda buryn -sońdy bolmaǵan qadam.

Al, BUU Bas Assambleıasyna qatysý úshin Nıý-Iorkke ushyp bara jatqan Borıs Djonson aǵylshyn-fransýz qarym-qatynastary "álsiremeıtinin" aıtyp, odaqqa "alańdamaý" kerek dedi.

 Sonymen qatar, Avstralııa tarapy da "Aukus" kelisimin qorǵady.

Avstralııa premer -mınıstri Skott Morrıson Kanberranyń "Parıjdi satyp ketýi" týraly aıyptaýlarǵa qarsy shyqty. Ol halyqtyń salyǵynan tólenetin qymbat mámileniń sharttary boıynsha, kelisim kez-kelgen ýaqytta buzylatynyn Parıj bilýi kerektigin aıtty.

Bul kelisim Avstralııany álem boıynsha atomdyq sýasty kemeleri bar jetinshi elge aınaldyrady.

Aıta keteıik, "Aukus" kelisimine sáıkes, odaqtastar kıber múmkindikterin, jasandy ıntellekt jáne basqa da teńiz asty tehnologııalaryn ózara bólisedi. Qaýipsizdik kelisimine qol qoıylǵannan keıin Qytaıdyń memlekettik gazeti Avstralııa Beıjińniń ıadrolyq soqqysynyń nysanasyna aınalýy múmkin ekenin málimdegen.

 

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir