– Qazanyń sebebi – koronavırýs. Bir aıǵa jýyq aýrýhanada jatty. Sońǵy 10 kún jan saqtaý bóliminde boldy. Onyń qant dıabeti bar edi. Dárigerler sózinshe, osy dert aýrýdy ýshyqtyryp jibergen, – dedi Bapı.

Ermurat Bapı Baqytgúl Mákimbaımen "DAT" gazetter jobasyn 23 jyldan beri birge shyǵaryp kelgenin aıtty. Ol: "Qıyn sátterde, basymyzǵa qıyn is túsken kezde kóp áriptesimiz shydamaı, jumystan ketip qaldy. Biraq Baqytgúl olaı istemedi. Osy kúnge deıin taban aýdarmaı janymda birge qyzmet etti" dedi.

Baqytgúl Mákimbaı jýrnalıstik qyzmetine baılanysty birneshe márte soqqyǵa jyǵylǵan. 2002 jyly mamyrdyń 21-i tún mezgilinde redaksııaǵa shabýyl jasaǵandar Baqytgúl Mákimbaı men áriptesin uryp ketken. Bas súıegine zaqym kelip, mıy shaıqalǵan jýrnalıst biraz ýaqyt aýrýhanada emdelgen. 2007 jyly "Tasjarǵan" gazetin basqaryp otyrǵan shaǵynda onyń ústinen "Qazaqstan prezıdentiniń ar-namysyna tııý" baby boıynsha qylmystyq is qozǵalyp, eki jyl ótken soń is jabylǵan. Odan keıin de Baqytgúl Mákimbaı men Ermurat Bapı basqarǵan "DAT" gazetter jobasy talaı ret sot sheshimimen jabylyp, ataýyn ózgertken.

Jýrnalıst Baqytgúl Mákimbaı Qazaqstan jýrnalıster odaǵy syılyǵynyń, osy odaqtyń "Altyn medaliniń" ıegeri. Qazaqstan patrıottarynyń "Almas qylysh" syılyǵynyń laýreaty. Oǵan Soros qorynyń jýrnalıstıka salasyndaǵy "Batyldyǵy men tabandylyǵy úshin" syılyǵy da berilgen.