16 Qyrkúıek, 2021 NEWS
Foto: Shymkent qalasy ákiminiń baspasóz qyzmeti
Shymkent qalasynyń Eńbekshi aýdany Erimbetov kóshesiniń boıyndaǵy magıstraldy jylý júıeleriniń qurylys jumystary qala ákiminiń eskertýinen keıin qarqyn aldy. Qalalyq energetıka jáne ınfraqurylymdy damytý basqarmasynyń basshysy B.Boranbaev bastaǵan bir top jýrnalıst «Saıram» shaǵynaýdanyndaǵy ADS-160 Gkal qazandyǵynan RK-1 aýdandyq qazandyqqa deıingi magıstraldy jylý qubyrynyń qazirgi jaǵdaıymen tanysty.
Salalyq basqarma basshysy bul nysan aıaqtalsa, Eńbekshi aýdanyndaǵy 340 kóp qabatty turǵyn úı sapaly jylýmen qamtylatynyn jetkizdi.
Merdiger «Kompanııa Nýraı Stroı» JShS-gi qurylys jumystaryn 2021 jyldyń tórtinshi toqsanynda aıaqtaýdy josparlaýda. Nysannyń joba quny – 2 597,7 mln teńge. Búginde qurylys jumystarynyń 70 paıyzy oryndalǵan.
Aıta keteıik, Eńbekshi aýdanyndaǵy 530 kópqabatty turǵyn úı ortalyqtandyrylǵan jylýmen qamtamasyz etilgen. «Qýat jylý ortalyq-3» MKK-men birlese turǵyn úılerdi qysqa daıyndaý is-sharasy bekitildi. Aýdanda qyzmet kórsetetin 9 servıstik kompanııa turǵyn úı ınjenerlik júıelerin 2020-2021 jylǵa qysqy jylý maýsymyna daıyndaý maqsatynda 300-den astam kelisimshart túzilgen.
Qate tapsańyz, qajetti bólikti tańdap ctrl+enter basyńyz.
Pikir qaldyrý
pikir