"Tıimsiz dep sanaımyn" Toqaev aýǵan bosqyndary týraly aıtty

Prezıdent Qasym-Jomart Toqaev Dýshanbedegi UQShU ujymdyq qaýipsizdik keńesiniń otyrysyna qatysty, dep habarlady Aqorda. 

Toqaev Aýǵan bosqyndaryn jáne sheteldiń áskerı bazasyn ornalastyrýdyń tıimsizdigi týraly ortaq ustanymdy qoldaıtynyn málimdedi. Sonymen qatar gýmanıtarlyq kómek pen aýǵan halqyna halyqaralyq qoldaý kórsetýdiń mańyzdylyǵyn eskere otyryp, BUU-nyń Aýǵanstandaǵy mıssııasynyń qyzmetkerleri Almaty qalasynda ýaqytsha ornalastyrylǵanyn aıtty. 

Prezıdenttiń sózinshe Aýǵanstandaǵy áleýmettik-ekonomıkalyq jaǵdaı, gýmanıtarlyq daǵdarysqa bet alǵan. 

– Aýǵanstanmen aradaǵy qalyptasqan saýda-ekonomıkalyq, kólik-logıstıkalyq jáne energetıkalyq baılanystardy múmkindiginshe qaıta qalpyna keltirý mańyzdy dep sanaımyn. Aýǵanstandaǵy uzaqmerzimdi strategııalyq ustanymdaryn ázirleýge qatysty jańa bıliktiń qyzmetin muqııat baqylaýdy jalǵastyrý qajet, – dedi Toqaev.