• USD 424.85

  • EUR 504.21

  • RUB 5.84

  • CNY 65.86

08 Jeltoqsan, 10:15:55
Almaty
+7°

Ulttyq banktyń Aqsha-kredıt saıasaty jónindegi komıteti bazalyq mólsherlemeni +/–1,00  paıyzdyq dálizimen jyldyq 9,50% deńgeıinde belgileý týraly sheshim qabyldady. Osyǵan deıin bazalyq mólsherleme shilde aıynda 0,25 paıyzǵa kóterilgen bolatyn.  "Qamshy" tilshisi ekonomıst Maqsat Halyqtan ulttyq banktyń paıyzdyq mólsherlemeni kóterý sebebi men onyń halyqtyń ál-aýqatyna tıgizer áseri týraly surap kórdi.

Qarjyger ulttyq banktyń bazalyq mólsherlemeni kóterýiniń negizgi sebebi retinde teńgeniń qunsyzdanýy men  qymbatshylyqty atap ótti.

– Ulttyq bank bazalyq paıyzdyq mólsherlemeni 9,5%-ǵa jetkizdi. Mundaǵy maqsat aıqyn. Bazalyq mólsherleme neǵurlym joǵary bolǵan saıyn ol teńgeniń qundylyǵyn arttyrady. Osy arqyly ulttyq bank qymbatshylyqty tejegisi keledi. Ekonomıkadaǵy zańdylyq boıynsha eger teńgeniń quny artsa qymbatshylyq toqtaıdy. Bankte nesıe paıyzy joǵary bolǵan saıyn kóp azamattar nesıe alýdy doǵarady. Tıisinshe ol azamattar qymbat taýarlardy alýǵa qulyq tanytpaıdy. "Ol taýardy keıinirek alamyn, arzandasyn" deıdi. Taýarǵa suranys qatty bolmaǵandyqtan onyń ónimdiligi tómendeıdi. Bul jaǵdaıdyń halyq úshin taǵy bir ońtaıly tusy – banktegi depozıttik jınaq mólsherlemesiniń syıaqysy artady, – deıdi Maqsat Halyq.

Onyń aıtýynsha, eger ulttyq bank bazalyq mólsherlemeni tómen túsirse, eldegi kásiporyndar men  halyqqa nesıe alý qolaıly bolmaq. Alaıda jaǵdaı kerisinshe bolyp otyrǵandyqtan munyń  halyqqa tıgizer keri áseri de bar.

– Bazalyq mólsherlemeni kóterýdiń jaǵymsyz jaqtary bankterdegi nesıelerdiń  paıyzdary  ósetinin aıtýǵa bolady. Mundaı jaǵdaıda halyq pen bıznestegi azamattarǵa nesıe alý múlde tıimsiz jaǵdaıǵa ákep soǵady. Qazirgi pandemııa jaǵdaıynda álemdik tájirıbege qaraıtyn bolsaq,  damyǵan elder bazalyq paıyzdyq mólsherlemelerin 0% deıin tómen túsirgen. Olardyń negizgi maqsaty – iskerlik belsendilikti arttyrý arqyly múmkindiginshe bıznesti damytý. Al bizdiń elde bári kersinshe bolyp jatyr. Ulttyq banktyń bazalyq mólsherlemeni joǵarylatýy saldarynan eldegi kásiporyndar  bıznesin álsiretip alýy múmkin. Al ol óz kezeginde ekonomıkaǵa keri áser etedi. Bıznes toqtady degen sóz, ekonomıka da toqtady degenge keledi,  – dep sózin túıindedi sarapshy.

Qamshy

Marhabat Ilııas

Almaty oblysy Raıymbek aýdany Qyzylshekara aýylynda týǵan. Ál-Farabı atyndaǵy Qazaq ulttyq ýnıversıteti jýrnalıstıka fakýltetin, Túrkııadaǵy Ankara Hadjy Baıram Velı ýnıversıtetin bitirgen. 2017-2018 jyldary Eýrazııa birinshi arnasynda redaktor bolyp istegen. 2018 jyly Qazaq Times saıtynda SMM maman bolǵan. 2021 jyldan beri Qamshy portalynda qyzmet atqarady.

Avtormen onyń Facebook paraqshasy arqyly habarlasýǵa bolady.

Jazylyńyz

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir