Shymkenttegi «Kazmedprıbor» JShS kúnine 20 ójj apparatyn shyǵarady

Elimizde medısınalyq qural-jabdyqtar, medısınalyq jıhazdar men medısınalyq kólikter shyǵaratyn kásiporynnyń biri «Kazmedprıbor» JShS Shymkentte ornalasqan.

Kásiporyn 2005 jyly qurylǵan. Jyl basynan «Kazmedprıbor» jaýapkershiligi shekteýli seriktestigi 120 myń lıtrden astam dezınfeksııalyq zattar, 6 myńnan astam medısınalyq jıhaz ben 25 jedel járdem kóligin jasap shyǵardy. Qazirgi tańda mekemede 100-ge tarta qyzmetker jumys isteıdi.

Shymkentte indettiń yqtımal tolqynyna daıyndyq maqsatynda kásiporyn ókpeni jasandy jeldetetin qurylǵy jasap jatyr. Medısınalyq apparatty shyǵarýǵa Amerıka jáne Japonııa ókilderi seriktes bolýda. Qazir kásiporynnyń kúnine 20 qurylǵy jasaýǵa múmkindigi bar. Alǵashqy 100 qurylǵy Shymkent qalasyna ornatylǵan.