• USD 424.85

  • EUR 504.21

  • RUB 5.84

  • CNY 65.86

27 Qańtar, 19:59:48
Almaty
-6°

Shymkent qalasynyń kásipkerler palatasynyń dırektory Nurlan Qabyshtaev qala ákimdiginiń «Instagram» paraqshasynda ótken tikeleı efırde turǵyndar saýalyna jaýap berdi.

Halyqpen keri baılanys ornatý maqsatynda qolǵa alynǵan tikeleı efırde qala turǵyndary óz saýaldaryn qoıdy. Máselen, «Bastaý Bıznes» kásipkerlik kýrsyna qalaı qatysady?», «Ashyq» jobasy boıynsha mártebeni qashyqtan anyqtaý múmkindigi bar ma?», «Mobıldik toptan qandaı qujattardy talap etýge bolady?» jáne taǵy basqa saýaldarǵa N. Qabyshtaev egjeı-tegjeıli jaýap berdi.

Palata dırektory búgingi efırde «Ashyq» jobasy týraly, jalpy pandemııa jaǵdaıyndaǵy kásipkerliktiń damýy boıynsha maǵlumattar berdi. «Ashyq» jobasynyń basty ereksheligi ol – qaýipsizdik. Bul qosymsha naýqastardy jáne olarmen baılanysty bolǵan kelýshilerdiń mártebesin aldyn-ala anyqtaýǵa múmkindik beredi.

Shymkent qalasynda joba engizilgennen bastap «Ashyq» jobasynyń qatysýshylaryna kirýge áreket etken 1 635 azamat, onyń ishinde 1 156 azamat «kyzyl», 479-i «sary» statýsymen anyqtalǵan. 295 azamatqa sanıtarlyq-epıdemıologııalyq qadaǵalaý organy tarapynan aıyppul salyndy.

Búginde qalada «Ashyq» jobasyna 8 404 nysan qosylǵan. Onyń ishinde kásipkerlik nysandarynan basqa da erikti qatysýshylar bar. Olar: prokýratýra, polısııa, ákimdik organdary, áskerı bólimder men ýnıversıtetter jáne jeke medısınalyq klınıkalar. Qatysýshylardyń 53-i kóshbasshy bolyp tanylǵan.

Sondaı-aq, palata dırektory kásipkerler úshin vaksınalaý máselesin túsindirip ótti. Barlyq kásiporyndardyń qyzmetkerleri 15 shildege deıin vaksınalaý tıis edi. Alaıda «Atamekenniń» usynysy boıynsha 2021 jylǵy 10 tamyzǵa deıingi merzimde qyzmetkerler birinshi komponentin, al 2021 jylǵy 1 qyrkúıekke deıingi merzimde - covid-19 vaksınasynyń ekinshi komponentin alý merzimderi ózgertildi. Endi vedomstvoaralyq komıssııanyń 7 qyrkúıektegi sheshimine sáıkes, kásiporyn qyzmetkerlerinde COVID-19 vaksınasynyń birinshi komponentiniń bolýyn monıtorıng toby reıd barysynda tekseretin boldy. О́z kezinde reıdti tirkeý tártibi InfoKazakhstan elektrondyq platformasynda júzege asyrylady.

"Qamshy" silteıdi
Ilmek sózder: Shymkent

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir