Aýǵanstanda "Talıban" basshylarynyń arasynda kıkiljiń týdy

Aýǵanstanda bılikti basyp alǵan tálip basshylarynyń arasynda kıkiljiń týdy, dep habarlady Bı-bı-sı aqparat agenttigi.

О́tken aptada Kabýldaǵy prezıdent saraıynda "Talıban"  úkimetinde premer-mınıstrdiń orynbasary bolyp taǵaıyndalǵan Abdýl Ganı Baradar men bosqyndar isteri jónindegi mınıstr Halıl Rahman Hakkanı sózge kelip qalǵan.

Eki sheneýnik tálipterdiń bılik basyna kelýinde kim mańyzdy ról atqardy degen másele tóńireginde bir toqtamǵa kele almaǵan.

– Bul – Katarda AQSh-pen kelissóz júrgizgen toptyń eńbegi, – dedi premer-mınıstrdiń orynbasary Baradar.

Al mınıstr Hakkanıdiń aıtýynsha, bul aýǵan jerindegi qarýly toptar qımylynyń arqasy ekendigin aıtyp, ol óziniń sońǵy jyldardaǵy lańkestik áreketterin meńzegen.

Janjaldan keıin Baradar Kabýldan Kandagarǵa ketip qalǵan. Alaıda tálipter janjaldy joqqa shyǵaryp otyr.

Talıban qozǵalysy ótken aıda Aýǵanstandy "Islam ámirligi" dep jarııalap, ýaqytsha úkimet qurdy. Úkimet quramy tek er adamdar men tálipterdiń qaıratkelerinen turady. Bul adamdardyń keıbireýleri sońǵy 20 jyl ishinde AQSh kúshterine jasalǵan shabýyldarǵa  qatysqan.