BBC: Eki qanatty zymyran Japonııaǵa qaraı atyldy

"Soltústik Koreıa belgisiz snarıadty Japon teńizine qaraı atty" dep habarlady Ońtústik Koreıa shtab basshylary. Keıinirek onyń ballıstıkalyq zymyran ekeni anyqtaldy. Odan keıin taǵy bir qanatty zymyrannyń atylǵany habarlandy. 

Japonııa da obektiniń atylǵanyn jáne bul ballıstıkalyq zymyran bolýy múmkin ekenin habarlady.

Japonııa premer-mınıstri Ioshıhıde Sýga ushyrýdy aımaqtyń beıbitshiligi men qaýipsizdigine qater tóndiretinin aıtyp, bul áskerı áreketti "shekten shyqqan" dep atady.

BBC aqparatyna sáıkes, zymyrandardyń naqty qaıda baǵyttalǵany jáne ushý qashyqtyǵy belgisiz. Ońtústik Koreıanyń shtab basshylary Seýl armııasynyń "AQSh-pen tyǵyz yntymaqtastyqta tolyq daıyndyq kúıin" saqtap otyrǵanyn aıtty.

Ballıstıkalyq zymyran synaqtary Pehenıannyń ıadrolyq belsendiligin shekteýge baǵyttalǵan BUU -nyń sheshimderine qaıshy keledi.

Ońtústik Koreıa men Japonııa qosymsha aqparat bermedi.

Aıta keteıik, Soltústik Koreıa Japonııanyń kóp jerine soqqy bere alatyn alǵashqy qanatty zymyranyn birneshe kún buryn synaqtan ótkizgen bolatyn.

Sarapshylardyń aıtýynsha, qanatty zymyran ıadrolyq oqtumsyqty alyp júre alýy yqtımal.