Shymkentte kompıýterlik tomografııa kabıneti ashyldy

Búgin Shymkent qalasyndaǵy kardıologııa ortalyǵynda kompıýterlik tomografııa kabıneti ashyldy. Tomografııa kabınetin aralap kórgen qalalyq densaýlyq saqtaý basqarmasynyń basshysy B. Pozılov júrek aýrýlarynan bolatyn ólim-jitim sanyn azaıtyp, naýqastardy der kezinde dıagnostıkalaýda qurylǵynyń mańyzdylyǵyn atap ótti.

Shymkenttegi kardıologııa ortalyǵynda kompıýterlik tomografııa kabıneti ashyldy. Qalanyń bas dárigeriniń sózinshe, jańa qondyrǵynyń múmkindigi joǵary bolǵandyqtan, kóptegen aýrýdyń aldyn alyp, júrek aýrýynan bolatyn ólim-jitimniń azaıýyna múmkindik beredi. Buryndary osy apparat úshin basqa qalaǵa qatynaýǵa májbúr bolǵan turǵyndar endi 3-shi megapolıste em qabyldaı alady.

Buryndary naýqastardy kompıýterlik tomografııaǵa bola, basqa medısınalyq uıymdarǵa joldaıtyn edik. Ol belgili bir yńǵaısyzdyqty týǵyzatyn edi. Naýqastyń ómiri úshin óte qaýipti edi. Endi bul jerde barlyq em dıagnostıka kompleksti 1 jerden ótetin boldy. Tek qana dıagnostıka úshin ǵana emes, operasııadan keıingi naýqastar, mysaly, júrekke operasııa jasaǵannan keıin naýqastarda ınsýlt bolýy múmkin. Buryndary nevropotologtardy shaqyratyn edik, endi aýrýhanada búkil kómek jasalynatyn boldy.

Joǵary sapaly tomografııany qoldaný - qan aınalymy júıesiniń aýrýlary dıagnostıkasynda, keýde arterııasyna, aortaǵa ınvazıvti emes angıografııa jasaýda «altyn standart» bolyp tabylady. KT kórsetken dıagnostıkalyq tapsyrmalardy sapaly ári sany boıynsha da sheshýge múmkindik beredi. Jańa qondyrǵy Japonııadan kelgen «Canon» brendiniń ónimi. Baǵasy 300 mıllıonǵa jýyq turady. Bul apparat tek júrek qan tamyrlarynyń aýrýyn ǵana emes, sonymen qatar mı, ókpege qatysty aýrýlardy anyqtap, onyń aldyn ala alady.

Bizdiń ortalyǵymyzda eger jylda 5 myńǵa jýyq naýqas ótetin bolsa, ol naýqastar jedel túrde túsetin naýqastar. Infarkt, ınfarkt aldy jaǵdaıynda. Al bul kompıýterlik tomografııa tek qana stasıonarǵa túsken naýqastar ǵana emes, biz qaladaǵy emhanalarǵa taǵy da sýıýpodrıadpen kómektesemiz degen oıdamyz. О́ıtkeni, ambýlotorlyq deńgeıde júrektiń qaranarlyq arterııasyn tekserý MSKT prosedýrasy barlyq halyqaralyq rekomendesııalarda bar. Ol buryn istelinbeıtin edi. Tek qana dıagnostıkalyq ortalyqta istelinetin edi. Búgingi tańda ózimiz de isteımiz.

Kompıýterlik zertteý búginde ózekti taqyryp bolyp otyr. Koreıa elinen aldyrylǵan kompıýterlik tomografııanyń respýblıkalyq transhtan bólingen qarjyǵa satylyp alyndy. Qondyrǵynyń 160 srezdik kardıologııalyq opsııasy bar. Bul jańa qural arqyly tek júrektiń aýrýlaryn ǵana emes, basqa da túrlisyrqattardy der kezinde anyqtaýǵa sep bolyp, ólim-jitimdi aldyn alýǵa múmkindik týady.

Aıta keteıik, ótken jyly ońtústik óńiri qan-tamyr aýrýlarynyń kórsetkishi 100 myń adamǵa shaqqanda 2734-ti, al ólim kórsetkishi 144-ti quraǵan. Shymkent qalasy men Túrkistan oblysy elimizde qan-tamyr júıesi aýrýy boıynsha 4 orynda tur. Búkildúnıejúzilik densaýlyq saqtaý uıymy 100 myń adamǵa 1 kompıýterlik tomografııa qajet ekendigin aıtady.