• USD 424.85

  • EUR 504.21

  • RUB 5.84

  • CNY 65.86

28 Qyrkúıek, 23:16:20
Almaty
+15°

Foto: Chehııanyń burynǵy transport mınıstri Vladımır Kremlık jáne Qazaqstannyń qazirgi sıfrlyq damý, ınnovasııa jáne aeroǵarysh ónerkásibi mınıstri Baǵdat Mýsın

2020 jylǵy qańtar aıynyń sońynda Chehııa transport mınıstri Vladımır Kremlık avtomagıstraldarǵa ruqsat beretin servısti satý boıynsha ınternet arqyly qyzmet kórsetýdi damytýdyń tenderlik qunyn asyra baǵalaǵany úshin jumystan bosatylǵan.

Tehnologııalyq Tadviser.com saıtynyń aqparatynsha, ol kezde Vladımır Kremlık jobaǵa "Asseco Central Europe" IT-kompanııasyn tartqysy kelgen jáne onymen 401 mıllıon kronǵa (shamamen 16 mıllıon eýro) kelisimshartqa otyrǵysy kelgen. "Asseco Central Europe" kompanııasy tórt jyldyq kelisimshartty ashyq tendersiz alǵan.

Osy oqıǵadan keıin, Pragadaǵy "Actum Digital" dep atalatyn IT kompanııa basshysy, kásipker Tomas Vondrachek baǵdarlamashylardy uıymdastyryp, Transport mınıstrligi úshin saıtty tegin qurýdy usynǵan.

– Memlekettik kelisimsharttardy tym joǵary baǵalaıtyn júıege qarsy turýǵa degen nıet bizdi biriktirdi. Klıentterdiń bilmestigin paıdalaný –bizdiń aqshamyzdyń dalaǵa esepsiz shashylýyna  ákeledi,– dep úndeý tastaǵan Vondrachek.

Kásipker transport mınıstrligi saıt qurý boıynsha ashyq tender ótkizýi kerektigin málimdegen.

Osy oqıǵadan keıin Chehııa premer-mınıstri Andreı Babısh kelisimsharttyń nashar uıymdastyrylǵanyn aıtyp, ony maquldamaǵan jáne mınıstrdi jumysynan alǵan.

Nátıjesinde, 300-den astam baǵdarlamashy Vondrachektiń servısti damytý týraly usynysyn qoldady. Alǵashynda "tórt jyl jalǵasady" delingen joba úshin 60 maman tańdalyp, jobany eki kúnde júzege asyrǵan.  Sonymen qatar, mamandar jumysty múldem tegin jasaǵan.

Aıta keteıik, Qazaqstan sıfrlyq damý, ınnovasııa jáne aeroǵarysh ónerkásibi mınıstri Baǵdat Mýsın de Qazaqstannyń elektrondy memlekettik basqarý júıesin reseılik Sber platformasyna aýystyrýǵa shamamen 500 mıllıon dollar qajet ekenin aıtqan bolatyn.

– Kelesi jyldyń naýryz-sáýir aılaryna qaraı kelisimge qol qoıamyz dep josparlap otyrmyz. Onda jobanyń barlyq parametri anyqtalady. Jobanyń bes jyl isteýine shamalap alǵanda 500 mln dollar jumsalýy múmkin, biraq ekonomıkalyq zertteýde taǵy da naqtylaımyz, – degen mınıstr.

"Qamshy" silteıdi
Ilmek sózder: Chehııa

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir