• USD 424.85

  • EUR 504.21

  • RUB 5.84

  • CNY 65.86

25 Qańtar, 16:24:16
Almaty
-3°

Foto: Shymkent qalasy ákiminiń baspasóz qyzmeti

Shymkent qalasynda «Eńbek» memlekettik baǵdarlamasy aıasynda «Jastar praktıkasy» baǵyty boıynsha jumysqa ornalasqandardyń biri – Janerke Qýandyq. Ol byltyr Shymkent kópsalaly kolledjinde medbıke mamandyǵy boıynsha bilim alǵan.

Jas maman oqý bitirgen soń jumyssyz mártebesin alyp, bıyl mamyr aıynda halyqty jumyspen qamtý ortalyǵy arqyly № 1 qalalyq Klınıkalyq aýrýhanasyna ýaqytsha jumysqa joldandy.

Jastar praktıkasy baǵdarlamasy arqyly ýaqytsha bolsa da jumys taptym. Qazirgi tańda aýrýhanada jansaqtaý bóliminde kómekshi retinde biliktiligimdi arttyryp kelemin. Jastardy osy baǵdarlamaǵa qatysýǵa shaqyramyn.

Jalpy, «Jastar praktıkasy» ýaqytsha jumys orny bolyp eseptelinedi. Jas mamandar úshin tájirıbe jınaqtap, jumysqa ornalasýǵa zor múmkindik. Atalǵan baǵdarlamaǵa 29 jastan aspaǵan «jumyssyz» mártebesi bar jáne sońǵy úsh jyl ishinde (2019,2020,2021j) joǵary oqý oryndary men kolledjderdiń túlekteri qatysa alady. Jalaqysy 25 AEK (72 925 tg) quraıdy. Bul baǵdarlamaǵa tek bir ret qatysýǵa bolady.

Shymkentte jyl sońyna deıin «Jastar praktıkasymen» 2500 adamdy jumyspen qamtý josparlansa, jyl basynan beri 2176 shymkenttik jastar atalǵan baǵdarlamamen túrli mekemeler men kásiporyndarǵa joldandy.

"Qamshy" silteıdi
Ilmek sózder: Shymkent

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir