"Tiri me?" Talıbannyń keıbir jańa basshylary kórinbeı ketti

Talıban qozǵalysynyń eki jetekshisi kópshilikke kórinbeı ketti. Tálipterdiń jańa vıse-premeri men taǵy bir joǵarǵy basshysy joǵalyp ketken soń, olardyń tiri ekenine kúdik keltirilýde. Bul týraly Ál-Jazıra telearnasy habarlady.

Tálipter Aýǵanstandaǵy bılikti basyp alǵannan keıin Talıban qozǵalysynyń jetekshisi molda Haıbatýlla Ahýndzada kópshilik aldyna shyqpaı ketti. Talıbannyń baspasóz hatshysy onyń ólimi týraly qaýesetti joqqa shyǵarýda.

Tálipterdiń tanymal tulǵalarynyń biri Molla Abdýl Ǵanı Baradar da habarsyz ketken. 

"Aýǵanstannyń mınıstrlikterin qalaı bólýge bolatyny týraly talas bolyp, Talıbannyń ózge bir jetekshisimen bolǵan shaıqasta Ǵanı Baradar óldi nemese aýyr jaraqat aldy" degen qaýeset bar ekenin habarlady Ál-Jazıra.

Qaýesetterge qarsy baǵyttalǵan Aýǵan bıliginiń resmı áreketteri kúmándi qoıýlata túskendeı boldy.  Telearna aqparatynsha, bıliktiń aıtqany naqty emes jáne kóptgen kúdik týdyrady.