• USD 424.85

  • EUR 504.21

  • RUB 5.84

  • CNY 65.86

28 Qyrkúıek, 21:47:18
Almaty
+15°
Bilim jáne ǵylym mınıstrligi oqý jylynyń basynan bilim jáne ǵylym salasynda sapany qamtamasyz etý komıtetine 70-ke jýyq ótinish kelip túskenin habarlady.
 
Vedomstvo basshysy Ashat Aımaǵambetov mınıstrliktiń apparat jınalysynda áli de óte kóp shaǵym kelip jatqanyn aıtty.
 
– Ár shaǵym boıynsha tıisti sharalar qabyldanyp jatyr. Qyzmetinen bosatý, tártiptik jaýapkershilikke tartý jumystary jalǵasady. Muǵalim tek balalarǵa sabaq berý kerek. Basqa jumystarǵa aralasýǵa tyıym salynady. Qaǵazbastylyqtan arylý jumystary  da jalǵasady. Bul másele meniń nazarymda bolady. Eń birinshi biz bilim basqarlamalarynan bastaýymyz kerek. Taǵy da eskertemin eger zań buzylatyn bolsa, qatań shara qabyldaıtyn bolamyz, – dedi mınıstr.  
 
Aımaǵambetov aıtqan shaǵymdardyń kópshiligi bilim mınıstrliginiń resmı saıtynda jarııalandy. 
 
Máselen, Túrkistan oblysynda balabaqsha tárbıeshisi qyzmetinen zańsyz bosatylǵan. Alaıda ákimdiktiń bilim basqarmasy onyń quqyǵyn qalpyna keltirý boıynsha sharalar qabyldamaǵan. Bilim salasynda sapany qamtamasyz etý jónindegi aýmaqtyq departament qyzmetkerleriniń aralasýynan keıin ǵana tárbıeshi burynǵy jumysyna qaıtyp oralǵan.
 
Atyraý oblysynda pedagogıkalyq etıka erejelerin buzǵany úshin Q. Ahmedııarov atyndaǵy orta mekteptiń muǵalimi jumysynan bosatylǵan.
 
Almaty oblysynda departament qyzmetkerleri muǵalimniń ótinishinen keıin sharalar qabyldaǵan. О́tinishte muǵalim bilim berý uıymdarynda aqsha jınaý jáne olarǵa tán emes fýnksııalarǵa tartý faktileri týraly habarlaǵan. Másele qaralǵannan keıin Tekeli qalasyndaǵy №6 orta mektebiniń dırektoryn qyzmetinen bosatý týraly sheshim qabyldanyp, osyǵan uqsas faktiler rastaldy. Sonymen qatar Tekeli qalasy ákimdiginiń bilim bólimi basshysynyń m.a. tártiptik jaýapkershilikke tartý usynyldy.
 
Pedagogterdiń quqyqtary men zańdy múddeleriniń eń kóp buzylýy Túrkistan jáne Almaty oblystarynda baıqalady.
 
Sondaı-aq áleýmettik jelilerde ımmýnızasııalaý sharalary boıynsha tizim jasaý týraly qujat jarııalandy. Mundaı aqparatty jınaý jónindegi buıryq BǴM tarapynan qarastyrylmaǵan. Aýdandyq bilim bóliminiń basshysy tártiptik jaýapkershilikke tartyldy.
 
Bilim jáne ǵylym mınıstriniń tapsyrmasy boıynsha ár oblysta pedagogıkalyq ádep jónindegi komıssııalar qurylǵan, olar pedagogterdiń quqyqtaryn buzý boıynsha ótinishter men faktilerdi jedel qaraıdy.
"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir