Aýǵanstannan kelgen 35 etnıkalyq qazaqqa 204 myń teńgeden bólinedi

Aýǵanstannan kelgen 35 etnıkalyq qazaqtyń árqaısysyna 204 myń teńgeden bólinedi. Sonymen qosa, jyl boıy aı saıyn 87 myń 500 teńge kómek kórsetiledi. Bul – baspana jaldaý úshin beriletin kómek, dep habarlady 31 telearna.

Etnıkalyq qazaqtar Aqmola, Qostanaı, Pavlodar, Shyǵys Qazaqstan jáne Soltústik Qazaqstan oblystaryna qonystansa ǵana alady. Dıplomy bar adamdardyń mamandyq boıynsha jumysqa turýyna da kómek kórsetiledi. Al bilimi joqtardy arnaıy kýrsta oqytý kózdelgen.

– Barlyq túsindirme jumystary júrgizildi. Qazir mınıstrlik tarapynan ol kisilerdi turaqtandyrý týraly jumys júrgizilip jatyr, – dedi Almaty qalasy áleýmettik ál-aýqat basqarmasy basshysynyń orynbasary Danııar Álkebaıuly.