Koronavırýs juqtyrǵan Toqtar Áýbákirovtyń jaǵdaıy belgili boldy

Tamyz aıynda koronavırýs juqtyrǵany habarlanǵan Qazaqstannyń tuńǵysh  ǵaryshkeri Toqtar Áýbákirov emdelip, úıine shyǵaryldy. Bul týraly Nur-Sultannyń densaýlyq saqtaý basqarmasy habarlady. 

"Toqtar Áýbákirov koronavırýstyń eki jaqty pnevmonııasy dıagnozymen qalalyq juqpaly aýrýlar ortalyǵynda em qabyldap, aýrýdan emdelgen soń, ótken aptada úıine shyǵarylǵan" delingen habarlamada. 

Buǵan deıin jýrnalıst Jumabıke Júnisova Toqtar Áýbákirovtyń koronavırýs juqtyryp, alǵanyn málim etken. Ol jeti kún boıy aýyryp, sol aralyqta  dárigerler tıisti medısınalyq kómek kórsetpegenin aıtqan bolatyn.