Talıbandy qoldaıtyn áıelder sherýge shyqty

Tolyq betperde kıgen aýǵan áıelderi senbide Kabýl ýnıversıtetiniń dáris teatrynda narazylyqqa shyqty. Olar tálipterdiń genderlik qatań saıasatyna adal ekendikterin aıtty.

Tálipterdiń bilimge arnalǵan jańa saıasatyn qoldap, basynan aıaǵyna deıin jabylǵan 300-ge jýyq áıel Batys elderine qarsy sóılep, Talıban jalaýshalaryn kóterdi.

Olar bettiń kózden kóp bóligin jabatyn qara kıim, kóbi qara qolǵap kıgen.

1996-2001 jyldardaǵy Talıban bıligi kezinde áıelder quqy negizinen tolyqtaı shekteldi. Tálipter ótken aıda bılikke qaıtadan kelgen soń  áıelderge jeńilirek erejeni qoldanatynyn málimdegen bolatyn.

"Eger áıelder betperdemen jáne jynysyna qaraı (erlerden) bólinip dáris alsa, qyzdarǵa ýnıversıtetke túsýge ruqsat etiledi" dedi Talıbannyń bilim basqarmasy.

Uıymdastyrýshylar "stýdentter" dep ataǵan áıelder Kabýldaǵy Shahıd Rabbanı atyndaǵy Bilim ýnıversıtetinde baıandamalar tyńdady.

Minbege Talıbannyń úlken jalaýshalary ilindi. Spıker áıelder sońǵy kúnderi Aýǵanstanda narazylyq aksııasyna shyqqan áıelderdi synǵa aldy.

Olar Aýǵanstan Islam Ámirliginiń jańa úkimetin qorǵady. Spıkerler aýǵan ádilet mınıstrligi ruqsat bermese, sherýlerge tyıym salynǵanyn aıtty.