Foto: Ashyq derekkóz
Bilim jáne ǵylym mınıstrligi mektep aýlasyndaǵy dárethanalarǵa qatysty suraqtardy sheshý jáne beınebaqylaý kameralarmen, dabyl batyrmalary jáne qaýipsizdik júıeleriniń basqa elementterimen qamtamasyz etýge baılanysty tapsyrmalardy oryndamaǵan tulǵalarǵa qatysty sharalar qabyldaý úshin birqatar óńirdiń ákimdikterine hat joldady. Bul týraly mınıstrliktiń baspasóz qyzmeti habarlady.
"Mektepterdi qarjylandyrý fýnksııalary, olardyń qurylysy jáne qajetti jaǵdaılar jasaý, onyń ishinde sanıtarlyq, qaýipsizdik júıelerimen qamtamasyz etý máseleleri zań júzinde ákimdikterdiń quzyrynda ekenin atap ótken jón. Oqý jylynyń bastalýy qarsańynda QR BǴM Bilim jáne ǵylym salasynda sapany qamtamasyz etý Komıtetiniń qyzmetkerleri elimizdiń barlyq oblysy men qalalaryndaǵy ákimdikterge vedomstvolyq baǵynyshty mektepterdi tekserdi. Inspeksııa barysynda Túrkistan, Aqtóbe, Almaty, Shyǵys Qazaqstan, Batys Qazaqstan, Qaraǵandy, Qostanaı oblystaryndaǵy jáne Shymkent qalasyndaǵy mektepterde jyly dárethanalarmen qamtamasyz etý boıynsha kórsetkishtiń 100%-ǵa jetpeıtini anyqtaldy. Buǵan deıin Úkimet oqý jylynyń basynda mektep aýlasyndaǵy barlyq dárethanany joıý mindetin qoıǵan bolatyn" delingen aqparattyq habarlamada.
Mınıstrlik paıdalanylatyn jyly dárethanalardyń epıdemıologııalyq talaptarǵa sáıkestigi boıynsha da suraqtar týyndaǵanyn málim etti. Jabyq kabınalar, qoldy jýý jáne keptirýge arnalǵan qural-jabdyqtardyń bolýy jónindegi jáne taǵy basqa talaptar tolyq oryndalmaǵan. Mınıstrlik máselelerdi sheshý úshin Bilim jáne ǵylym salasyndaǵy sapany qamtamasyz etý komıteti sanıtarlyq erejelerge ózgerister engizgen.
Qate tapsańyz, qajetti bólikti tańdap ctrl+enter basyńyz.
Pikir qaldyrý
pikir