KVI. Qazaqstanda vaksınanyń I komponentin saldyrǵandar 7 mıllıonnan asty

Densaýlyq saqtaý mınıstrligi 2021 jylǵy 10 qyrkúıektegi málimet boıynsha Qazaqstanda koronavırýsqa qarsy vaksınanyń I komponentin 7 010 302 adam, II komponentin  5 834 656 adam saldyrǵanyn málimdedi.

О́tken táýlikte elde PTR test arqyly 4024 adamnan koronavırýs, 275 adamnan pnevmonııa anyqtalǵan.

8 qyrkúıekte 78 adam koronavırýstan, 19 adam pnevmonııadan kóz jumǵan.

Qazaqstanda pandemııa bastalǵaly PTR test arqyly koronavırýs rastalǵan jaǵdaılardyń jalpy sany 832 248-ge jetti. Onyń 10 154-i qaıtys bolǵan. 2020 jylǵy 1 tamyzdan beri júrgizilip kele jatqan pnevmonııa statıstıkasyna saı, 72 223 adam pnevmonııaǵa shaldyqqan. 463 adam kóz jumǵan.

10 qyrkúıektegi málimet boıynsha, 82 162 adam koronavırýs pen pnevmonııadan emdelip jatyr. Olardyń ishinde 17 245 pasıent stasıonarda, 64 917 naýqas ambýlatorııalyq deńgeıde em qabyldaýda.

Indetke shaldyqqandar arasynda 1 310 adamnyń jaǵdaıy aýyr, 373 pasıenttiń jaǵdaıy óte aýyr, 208 naýqas О́JJ apparatynda jatyr.