Qytaı basylymy qazaq tilinde habar tarata bastady

Qytaı Kommýnıstik partııasynyń saıty "Jenmın jıbao" (Halyq gazeti) qazaq tilinde habar tarata bastady, dep habarlady Qytaıdyń resmı basylymy.

"Jenmın jıbao" onlaın halyq gazeti qazaq tilindegi nusqasy halyqqa Qytaı saıasaty, ekonomıkasy, qoǵamy, mádenıeti, ǵylymy men bilim, tehnıka, týrızm sekildi kóptegen salalarynan aqparat beredi.

Saıttyń búginde qazaq tilinen bólek, aǵylshyn, japon, fransýz, ıspan, orys, arab, koreı, nemis, portýgal, ıtalıan, sýahılı syndy shet tilindegi nusqasy bar.

"Bul jobanyń maqsaty kóp tilde habar taratý arqyly halyqaralyq jańa medıa qurý qadamyn ońtaılandyra túsý" delingen saıtta jarııalanǵan aqparatta. 

Saıttyń kırıllısa qarpimen berilgen qazaq tilindegi nusqasynda "Qytaı-Qazaqstan" aıdary bar. Ol jerde Qazaqstanǵa qatysty aqparattar kúndelikti jańaryp, salynyp otyrady.

Mysaly, saıtta Jambyl oblysyndaǵy áskerı bólim qoımasynan órt shyǵyp, jarylys bolǵany jaıly aqparat jarııalanǵan.