09 Qyrkúıek, 2021 NEWS
Kórneki sýret
Bilim jáne ǵylym mınıstrligi stýdenter, magıstranttar, doktoranttar shákirtaqylarynyń artýyna baılanysty zańdyq ózgerister men tolyqtyrýlar úkimet qaýlysymen joǵary oqý oryndarynyń bilim alýshylaryna memlekettik stıpendııalardy tóleý, olardyń mólsheri jáne taǵaıyndaý Erejesine engizildi. Bul týraly bilim jáne ǵylym mınıstrligi habarlady.
1 qyrkúıekten bastap bakalavr baǵdarlamasy boıynsha oqıtyndardyń shákirtaqysy 20%-ǵa, magıstranttar men doktoranttardyń shákirtaqysy 15%-ǵa ulǵaıtyldy.
– Bakalavrda oqıtyn stýdentterdiń shákirtaqysy 26 186 teńgeden 31 423 teńgege deıin artty. Pedagogıkalyq baǵyt boıynsha oqıtyn joo stýdentteri buryn 42 000 teńge alsa, endi 50 400 teńge alatyn bolady. Biz prezıdenttiń tapsyrmasyn oryndap, bolashaq dárigerlerdiń stıpendııasyn edáýir arttyrdyq. Olar 26 186 teńgeniń ornyna 50 400 teńge alatyn bolady. О́tken jyldyń qańtar aıynda memleket basshysynyń tapsyrmasy boıynsha shákirtaqy 25%-ǵa ulǵaıtyldy. Shyn máninde, sońǵy eki jylda bakalavrıatta oqıtyn stýdentterdiń stıpendııasy shamamen 2 ese artty, – dedi bilim jáne ǵylym vıse-mınıstri Kýanysh Ergalıev.
Sonymen qatar magıstranttar, doktoranttar men ınternderdiń de shákirtaqylary artty. Eger buryn magıstranttar 66 913 teńge alsa, endi olardyń aı saıynǵy stıpendııasy 76 950 teńgeni quraıdy. Doktoranttar stıpendııasy 150 000 teńgeden 172 500 teńgege deıin, ınternderde – 47 431 teńgeden 59 289 teńgege deıin ósti.
Qate tapsańyz, qajetti bólikti tańdap ctrl+enter basyńyz.
Pikir qaldyrý
pikir