• USD 424.85

  • EUR 504.21

  • RUB 5.84

  • CNY 65.86

28 Qyrkúıek, 23:46:20
Almaty
+14°

Talıban Aýǵanstanda ýaqytsha úkimet qurdy, dep habarlady RIA Novostı aqparat agenttigi.

Aýǵanstan úkimetiniń basshysy bolyp Mohammad Hasan Ahýnd taǵaıyndaldy. Talıban qurylǵan úkimettiń bul quramy ýaqytsha ekenin málim etti.

Talıban úkimetiniń negizgi laýazymdary tómendegideı:

• Syrtqy ister mınıstri – Ámir Han Mýtakı.

• Qorǵanys mınıstri – tálipter kóshbasshysynyń orynbasary Iаkýb molla.

• Ishki ister mınıstri – Saradjýddın (Halıfa) Hakkanı.

• Bosqyndar isteri mınıstri – Halıl Hakkanı.

• Barlaý bastyǵy – Abdýl Hak Vasık.

• Ekonomıka mınıstri – Mohammad Hanıf.

• Qarjy mınıstri – Hedaıatýlla Badrı.

• Ortalyq bank basshysy – Muhammed Ydyrys.

Sondaı-aq tálipter saıası keńsesiniń basshysy Baradar Molla premer-mınıstr orynbasary boldy.

"Talıban" qozǵalysynyń jetekshisi Haıbatýlla Ahýnzadanyń aıtýynsha, Aýǵanstanda jańa úkimet taǵaıyndalǵannan keıin sharıǵat normalary jumys isteıtin bolady. Ol sondaı-aq el ıslam zańdary men ulttyq qundylyqtarǵa qaıshy kelmeıtin barlyq halyqaralyq kelisimderdi oryndaýǵa mindetteme alatynyn qosty.

Tamyz aıynda amerıkalyq sarbazdar Aýǵanstannan shyǵarylyp jatqanda tálipter barlyq iri qalalar men shekara beketterin basyp alyp, 20 jyldyq soǵystyń aıaqtalǵanyn jarııalady.

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir