• USD 424.85

  • EUR 504.21

  • RUB 5.84

  • CNY 65.86

19 Qańtar, 17:35:52
Almaty

Ulybrıtanııa armııasynyń joǵary dárejeli ofıseri AQSh prezıdenti Djo Baıdenniń Aýǵanstannan ketýine "múldem tań qalǵanyn" aıtty. Onyń oıynsha, bul 20 jyldyq soǵysty "múlde ysyrap etý".

– 6500 adam qaıtys boldy, onyń ishinde Dúnıejúzilik saýda uıymyndaǵy 3000 adam da kóz jumdy jáne biz eshteńege qol jetkize almadyq, – dedi Brıtanııanyń arnaıy operasııalyq shtabynyń zeınetkeri Trevor Kýlt. Kýltty aǵylshyn patshaıymy da, AQSh prezıdenti Djordj Býsh ta marapattaǵan.

"Ol 20 jyldyq eńbekti 24 saǵattan az ýaqyt ishinde joq qyldy" dedi Kýlt.

Kýlt Bosnııada, Irakta jáne Aýǵanstanda 21 jyl qyzmet etken, 178 shaıqasqa qatysqan jáne úsh jarylys kezinde aman qalǵan. Patshaıym oǵan Ulybrıtanııanyń eń joǵary marapattaryn bergen. Býsh ony Aq úıde keshki as kezinde prezıdenttik dáıeksózben marapattaǵan.

– Baıden – Amerıka Qurama Shtattarynyń tarıhyndaǵy eń qabiletsiz prezıdent. Ol terrorıstermen dos boldy. Aq úı Batys úshin dos emes. Bul prezıdent bolǵan kezde tipti qaýipti,– deıdi aǵylshyn ofıseri.

Kýlt kóptegen brıtan generaldarmen jáne arnaıy operasııalardyń ofıserlerimen Baıden týraly sóıleskenin aıtty. Kýlttyń sózinshe, olardyń barlyǵy Baıdenniń logıkasyn eshkim túsinbeıtinine kelisedi.

– Biz Baıden Batys úshin Talıbanǵa qaraǵanda áldeqaıda qaýipti dep sanaımyz. Kúdiksiz. Ol bizge opasyzdyq jasady, – dedi Kýlt.

Bul pikirler Ulybrıtanııanyń burynǵy premer -mınıstri Tonı Blerdiń málimdemesinen keıin aıtyldy. Bler AQSh kelispese de, Eýropa men NATO Talıbanǵa naqty áreket jasaýǵa daıyndalýy kerek degen.

Bler Baıdenniń Aýǵanstannan ketý sheshimin synǵa alǵan birneshe brıtanııalyq saıasatkerlerdiń biri.

Buǵan deıin G7 elderi – Ulybrıtanııa, Kanada, Fransııa, Germanııa, Italııa, Japonııa jáne AQSh Aýǵanstannan halyqaralyq kúshterdi evakýasııalaý kúnin talqylap, Baıdendi evakýasııanyń aıaqtalý kúnin uzartýǵa kóndirgisi kelgen. Ulybrıtanııa premer-mınıstri Borıs Djonson Fransııa prezıdenti Emmanýel Makron, Germanııa kansleri Angela Merkelmen birge evakýasııa merzimin uzartý kerek ekenin aıtqan. Biraq AQSh prezıdenti olardyń ótinishin toıtaryp, óz sheshimin "terrorıstik shabýyl qaýpiniń artýymen" baılanystyrǵan.

Fransııa evakýasııany aıaqtaý úshin kóbirek ýaqyt qajet ekenin aıtyp, merzim taıaǵan saıyn alańdaýshylyq bildirgen. Germanııa syrtqy ister mınıstri Heıko Maas NATO odaqtastarymen jáne Talıbanmen Kabýl áýejaıyn belgilengen merzimnen keıin de ashyq ustaýdy talqylap jatqanyn aıtqan. Ulybrıtanıa premer-mınıstri Borıs Djonson G7 sammıtinde AQSh áskerleriniń Aýǵanstanda qalý merzimin uzartýdy suraıtynyn málimdegen jáne AQSh prezıdenti Djo Baıden evakýasııa merzimin uzartatyn sheshim shyǵarady dep kútilgen bolatyn.

Keıinirek, Baıdenniń eń joǵary tyńshysyn Talıbanmen kelissióz júrgizýge jibergeni habarlanyp, kelissózdiń "soǵys jaǵdaıynda" ótkeni aıtylǵan. Al, Talıban qozǵalysynyń ókili evakýasııalaý merzimin uzartýǵa qarsy ekenin jarııalap, onyń "aýyr saldary" bolatynyn aıtqan.

AQSh prezıdenti Djo Baıden amerıkalyq kúshterdi Aýǵanstannan shyǵarý týraly sheshim jasap, áskerılerdi alyp ketken soń, óz sheshimin qorǵap málimdemeler jasaǵan.

Baıdenniń sheshimin amerıkalyqtar da, odaqtastary da qatty synǵa aldy. Baıdenge ımpıchment jarııalaýǵa shaqyrǵan AQSh senatorlarynyń sany kóbeıe tústi. Tipti "Baıdendi qyzmetinen alý kerek, sottaý kerek" degen sanatorlar da boldy..

Al, Baıdan AQSh kúshterin evakýasııalaý aıaqtalǵanan keıin óz sheshimin durys dep sanaıtynyn aıtyp, úndeý jarııalady. Ol áýe tasymaly arqyly 120 myńnan astam adamdy ákelgen AQSh áskerin maqtady.

"Men bul máńgilik soǵysty uzartqym kelmedi, máńgilikke shyǵýdyń sońǵy merzimin uzartpadym" dedi Baıden. Ol Aýǵanstandaǵy soǵys aıaqtalǵanyn aıtty.

Baıden AQSh áskerin Aýǵanstannan shyǵarý týraly 19 ret eskertilgenin aıtty. Ol odaqtas Aýǵanstan basshylaryn "sybaılas jemqorlyq pen zańsyzdyq" jasady dep aıyptasa, Tramp ákimshiligin "Talıbanmen kelisimsiz shyǵatyn kelissóz júrgizgen" dep aıyptady.

"Qamshy" silteıdi
Ilmek sózder: Baıden Ulybrıtanııa

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir