• USD 424.85

  • EUR 504.21

  • RUB 5.84

  • CNY 65.86

09 Jeltoqsan, 04:50:15
Almaty

Táýelsiz Qazaqstandaǵy alǵashqy iri kásipkerleriniń biri Bolat Ábilov 90 jyldary qylmystyq top ókilderimen qalaı qarym-qatynas qurǵanyn aıtyp berdi.

Ol 90 jyldary krımınal avtorıtetter kásipkerlerden jıi aqsha jınap turǵanyn, jeke ózi eshkimge eshteńe ustatpaǵanyn aıtady. Sózinshe, kásipkerlerden aqsha "syndyra almaǵan" qylmystyq top ókilderi qandaıda bir paıda kórip qalý úshin olarmen dostasýǵa tyrysqan. 

Bıznesmenniń aıtýynsha, "Pole chýdes" telebaǵdarlamasynda Butya kompanııasy jarnamalanǵannan keıin kóptegen kásipkerler men máskeýlik avtorıtetter tarapynan qyzyǵýshylyq arta túsken. "Ryjıı Almas" (90 jyldardaǵy qylmys álemi avtorıtetteriniń biri, shyn esimi Nesipbaı Násenov - red) arqyly onyń kim ekenin anyqtap, aqsha tólep turýǵa májbúrleýge tyrysqan.

– "Pole chýdes"-ke jarnama bergennen keıin bizben jumys istegisi keletinderden túsken telefon qońyraýlarynda esep bolmady. Tańerteń "Ryjıı Almas" kelip tur. Máskeýlik avtorıtetter surap jatqanyn, aqsha tólemesem, Máskeýdegi fılıalymyzda problema bolatynyn aıtty. Men Almasqa "eger Máskeýde bizde problema bolsa, sende osy jerde problema bolady, oǵan kúmániń bolmasyn" dedim. Sol kúni keshke úıge kelsem, podezd aldynda eki bandıt meni kútip tur eken. Men kólikten túse sala "qaıyrly kesh, qaldaryń qalaı" dep qoldaryn alyp óte shyqtym. Podezd esigin ashsam, taǵy ekeýi tur. Olar meni soǵyp ketý úshin turǵany belgili. Biraq analarmen amandasyp kirgenimdi kórip ne isterlerin bilmeı qaldy. Terezeden qarasam, aınalsoqtap júrdi de ketip qaldy. Kelesi kúni maǵan qastandyq jasalǵaly jatqanyn aıtyp, organǵa aryz túsirdim. Biz kelisip, bandıtterdi qylmys ústinde ustaýdyń josparyn qurdyq. Keshke mılısııa úı jaqta tuzaq quryp meni tosty. Keshke úı jaqqa kelsem, meni úsh jigit tosyp tur eken. Jaqyndaǵanym sol edi mılısıonerler júgirip keldi. Biraq olardyń qurǵan tuzaǵy sátsiz bolyp, bandıtter qashyp ketti, – dedi bıznesmen medıakásipker Armanjan Baıtasovqa bergen suhbattar serııasynyń kezekti sanynda.

Oqı otyryńyz:

♦ "Sabyrjan úndemeı qaldy". Bolat Ábiliov qylmys áleminiń serkelerimen qalaı sóıleskenin aıtty

"Qamshy" silteıdi
Ilmek sózder: Bolat Ábilov 90-jyldar

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir