"Aılyqty kótersin". Aral tuz zaýytynyń qyzmetkerleri jumysqa shyǵýdan bas tartty

Qyzylorda oblysynda "Aral tuz" zaýytynyń 1000-ǵa jýyq  qyzmetkeri jumysqa shyǵýdan bas tartty, dep habarlady Astana telearnasy. 

As tuzyn óndirýshiler jalaqynyń azdyǵyn aıtyp nazarylyq bildirgen. Aıtýlarynsha, olar tańnan keshke deıin qap kóterip, tikesinen tik turyp jumys isteıdi. Al alatyn jalaqylary mardymsyz. 

– Bizdiń okladymyz 55 myń. Oǵan ekologııalyq tólem qosamyz. Syıaqysy, taǵy-taǵysymen 80 myńǵa barady. Aılyqty kóterip 100 prosent oklad qylsyn. Boldy basqa talabymyz joq. 13-aılyq surap otyrǵan joqpyz, – deıdi zaýytta dánekerleýshi bolyp isteıtin Jalǵashan Súıindikov. 

Jınalǵandar óndiris ornynda jumysshylarǵa jaıly jaǵdaı jasalmaǵanyna shaǵynady. Arnaıy kıimmen qamtamasyz etilmegen. Tipti tamaqtanatyn oryndary da joq. 

– Eshqandaı ýslovııa joq. Týalet joq. 80 myń teńge aılyq alamyz. Men jesir áıelmin. Sol 80 myńnyń ishinde ınvalıd balamdy asyraımyn, – dedi daıyn ónim qapshysy Nurgúl Qondybaeva  

"Aral tuz" zaýytynyń basshylyǵy, aılyqty kóterýge qarsy emestigin, biraq ázirge qansha paıyzǵa kóteretinin bilmeıtinderin, jumystyń toqtap qalǵany  máseleni sheshýge keri áser etip turǵanyn aıtady. 

– Naqty qazir aıta almaımyn. О́ıtkeni eki kún jumysshylarmen júrmin. Ony eseptep qaraý kerek. Halyqqa da aıtyp jatyrmyn. Sizder jumysty toqtatsańyzdar qansha paıyzǵa kóterý múmkinshiligin joıyp jatyrsyzdar dep, – deıdi "ARAL TUZ" AQ prezıdentiniń keńesshisi Aıdynbek Taýasarov. 

Ol naqty sheshim qabyldaý úshin 10 kún qajet ekenin aıtty. Biraq narazy jumsyshylar "másele túbegeıli sheshilmese, jumysqa shyqpaımyz" dep otyr.