• USD 468.45

  • EUR 489.06

  • RUB 7.66

  • CNY 66.09

02 Jeltoqsan, 18:32:14
Almaty
-2°

Reseı syrtqy ister mınıstrliginiń baspasóz hatshysy Marııa Zaharova AQSh Ýkraınany Reseıge qarsy "qarý" retinde qoldanyp otyrǵanyn málimdedi. Bul týraly lenta.ru saıty habarlady.

Máskeýde ótken baspasóz konferensııasynda Marııa Zaharova AQSh pen Ýkraına arasyndaǵy qarym-qatynas týraly sóz qozǵady. Zaharova Ýkraına prezıdenti Vladımır Zelenskııdiń Amerıka Qurama Shtattaryna barǵanyn atap ótip, pikir bildirdi.

– Vashıngton Kıevti Reseıge qarsy qarý retinde qoldanýda, bul Ýkraına úshin aýyr zardaptarǵa ákelýi múmkin, – dedi Marııa Zaharova.

Zaharova sonymen qatar AQSh-tyń Kıevke áskerı kómek kórsetý josparyna Máskeýdiń alańdaýshylyǵyn bildirdi. Onyń aıtýynsha, bul – Ýkraınadaǵy jaǵdaıdy retteýge teris áser etedi.

Zaharova Ýkraınanyń shyǵysyndaǵy Donbas máselesine de toqtala kelip, bul jerde "azamattyq soǵys" júrip jatqanyn alǵa tartyp, halyqaralyq qaýymdastyqty Ýkraınaǵa qarý jetkizýge tyıym salýǵa shaqyrdy.

Buǵan deıin Ýkraına prezıdenti Vladımır Zelenskıı Vashıngtonǵa sapary kezinde qorǵanys seriktestiginiń negizderi týraly úkimetaralyq kelisimge jáne birneshe qujatqa qol qoıǵany belgili boldy. Qujat erejeleri arqyly qarý-jaraq pen áskerı tehnıkany synaý rettelmek. 

"Qamshy" silteıdi
Ilmek sózder: Reseı AQSh Ýkraına

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir