Aýǵan áıelderi quqyqtaryn talap etip mıtıngke shyqty

Aýǵanstannyń Gerat qalasynda 70-ke jýyq áıel quqyǵyn saqtaýdy talap etip, narazylyqqa shyqty. Bul týraly Daily Mail saıty habarlady. 

Mıtıng uıymdastyrýshy Frıbe Kabrzanı áıelderdiń jańa úkimettegi mınıstrler kabıneti men aqsaqaldar keńesine qosylýǵa múmkindigi bolýy kerek dep sanaıdy. Ol aýǵan áıelderi qazirgi jaǵdaıǵa qol jetkizý úshin kóptegen qurbandyqqa barǵanyn, osy múmkindikten aıyrylǵylary kelmeıtynyn aıtady.

– Bilim, qaýipsizdik jáne jumys, bul – bizdiń negizgi quqyqtarymyz. Biz jańa úkimet bizdi estigenin qalaımyz, óz quqyǵymyzdy saqtaǵymyz keledi. Qazirdiń ózinde kóptegen áıelder ólimnen qorqyp, narazylyq bildirýge shyqpady, – deıdi belsendi áıelder. 

Gerat turǵyny Basır Tager tálipter eldegi mańyzdy sheshimder qabyldar ýaqytta áıeldermen keńesýi kerektigin atap ótti. Alaıda olar jańa basshylyqtyń jınalystaryna múldem qatystylyrmaıtynyn aıtady.

Al jas aýǵandyqtardyń sózinshe, Tálipter olarǵa jumysqa barýdy shektese, jumys berýshiler olardy áıel bolǵany úshin jumystan shyǵaryp jatyr.

Buǵan deıin 2 qyrkúıekte Tálipter jańa úkimette áıelder negizi jáne joǵary laýazymdarǵa ıe bolmaıtynyn málimdegen bolatyn.