Qazaqstandaǵy aýasy las qalalardyń tizimi belgili boldy

Qazaqstandaǵy aýasy eń  las qalalardyń tizimi belgili boldy. Bul týraly ekologııa, geologııa jáne tabıǵı resýrstar mınıstri Maǵzum Myrzaǵalıev habarlady. 

– Ekologııalyq monıtorıngtiń nátıjesi boıynsha Temirtaý, Nur-Sultan, Almaty, Aqtóbe, Atyraý, О́skemen, Qaraǵandy, Balqash, Jezkazǵan, Shymkent qalalarynyń atmosferalyq aýasy lastanǵany anyqtaldy, – dedi ol. 

Osy oraıda mınıstr tómendegi sharalar qolǵa alynǵaly jatqanyn aıtty.

– Ekologııalyq kodekske sáıkes kásiporyndar eń úzdik qoljetimdi tehnologııalardy (EÚQT) engizilýi kerek.  Mınıstrlik pen kásiporyndardyń arasynda memorandýmdar men jol kartalaryna qol qoıylady. Olarǵa sáıkes kásiporyndar shyǵaryndylardy 20% paıyzdan 30% paıyzǵa deıin qysqartýǵa tıis. 2025 jylǵa qaraı 10 qaladaǵy birinshi sanattaǵy kásiporyndar úshin shyǵaryndylar lımıti 20% paıyzǵa tómendetilýi kerek, –  dedi ol.

Sondaı-aq Maǵzum Myrzaǵalıev shyǵaryndylardy azaıtý maqsatynda ákimdikter eldi mekender men sharýashylyq sýbektilerin gazdandyrýdy jalǵastyrý qajet ekenin, jáne qoǵamdyq, kommýnaldyq kólikterdi gaz jáne elektr kóligine aýystyrý jumysyn odan ári júzege asyrý kerektigin atap ótti.