Aımaǵambetov olımpıada jeńimpazdaryna beriletin syıaqy mólsherin aıtty

Bilim jáne ǵylym mınıstri Ashat Aımaǵambetov úkimet otyrysynda halyqaralyq olımpıadalardyń jeńimpazdaryna beriletin syıaqy mólsherin aıtty.

– Halyqaralyq olımpıada jeńimpazdaryn yntalandyrý jáne qoldaý maqsatynda "altyn" medalǵa 1500 AEK, bıyl ol 4,5 mıllıon teńgege jýyq, "kúmiske" – 1000 AEK, "qolaǵa" – 500 AEK aqshalaı birjolǵy syıaqy taǵaıyndaý josparlanýda, – dedi Aımaǵambetov.

Sondaı-aq mınıstr halyqaralyq olımpıada jeńimpazdaryna konkýrsqa qatyspaı-aq joǵary oqý oryndaryna túsý úshin grant beriletinin málimdedi. Bul másele zańnamalyq túrde retteledi.

Jeńimpazdardy daıyndaǵan ustazdar men tálimgerlerge de birjolǵy qarjylaı syıaqy berý josparlanyp otyr.