Toqaev jaıylymdyq jerge qatysty ákimderge qatań eskertý jasady

Prezıdent Qasym-Jomart Toqaev úkimetke quzyrly organdarmen birlesip jaıylym jerler máselesine qatysty naqty sharalar qabyldaýdy tapsyrdy. 

– Jaıylymdyq jerdi tıimdi paıdalaný óte mańyzdy. Qazir mal jaıatyn jerge sharýalardyń qoly jetpeı júr. О́ıtkeni mundaı alqaptardy keıbir belgili adamdar ıelenip alǵan. Tipti ony adam aıaǵy baspaıtyndaı etip qorshap tastaǵan, – dedi ol. 

Toqaev osyǵan baılanysty ákimderge eskertý jasady. 

–  Ákimder túrli sebepterdi syltaýratyp yqpaldy adamdardyń yǵyna jyǵylyp, bul máseleni sheshe almaı otyr. Úkimet quzyrly organdarmen birlesip, osy ahýaldy ózgertetin batyl sharalar qabyldaýǵa tıis. Jeke qosalqy sharýashylyqtardyń malyn jaıylymdyq jermen qamtamasyz etý máselesine aıryqsha nazar aýdarýdy talap etedi. Bulardyń ulttyq mártebesi jáne  jeke qosalqy sharýashylyqtary bólek zańda kórinis tabýy tıis. Úkimet bul zań jobasyn qysqa merzimde ázirleýi kerek, – dedi memleket basshysy.

Prezıdent sondaı-aq jaıylymdyq jerlerdiń kólemin arttyrý kerektigine nazar aýdardy.