• USD 468.56

  • EUR 497.56

  • RUB 7.3

  • CNY 67.18

28 Naýryz, 23:30:54
Almaty
+35°

Shymkent qalasynyń ákimi Murat Áıtenov qalalyq kásipkerlik jáne ındýstrıaldy-ınnovasııalyq damý basqarmasynyń basshysyn qabyldap, alty aıda atqarǵan jumystarynyń esebin tyńdady.

Basqarma basshysy B.Dúısebekovtiń sózinshe, bıyl 6 aıda qala ekonomıkasyna 131,8 mlrd. teńge ınvestısııa tartylyp, ótken jyldyń tıisti kezeńimen salystyrǵanda 18,9%-ǵa artqan. 7 aıda bul kórsetkishti 165 mlrd. teńgege jetkizemiz dep otyr.

Sonymen qatar, 2021-2025 jyldar jalpy quny 2,6 trln. teńgeni quraıtyn 282 ınvestısııalyq joba iske asyrylyp, 20 myńnan asa jańa jumys ornymen qamtylatyn bolady. Onyń ishinde, 2021 jyly jalpy quny 166,7 mlrd. teńgeni quraıtyn, 2,5 myń jańa jumys ornymen, 68 ınvestısııalyq jobanyń iske asyrylýy josparlanǵan. Búginde 10,2 mlrd. teńgege 10 joba júzege asyrylǵan. Jalpy kásipkerlik qoldaý kartasy aıasynda bul jyly 1 myńnan astam jumys ornyn qurýmen 21 jobany iske qosý kózdelgen. Qazirgi tańda onyń 4 joba iske qosylyp, onda 100-ge jýyq jumys oryndary quryldy.

Investısııanyń artýyna ındýstrııalyq aımaq, kólik-logıstıkalyq aımaǵy jáne «Ońtústik» arnaıy ekonomıkalyq aımaǵy zor úlesin qosyp keledi. Búginde «Ońtústik» ındýstrıaldy aımaǵynda 72 joba iske qosylyp, onda 4,5 myńǵa jýyq jumys oryndary ashyldy jáne oǵan 62,0 mlrd. teńgeniń ınvestısııasy tartyldy. Al, «Tassaı» ındýstrıaldy aımaǵynda jalpy quny 26,3 mlrd. teńgelik 17 joba iske qosylyp, onda 1 myńǵa jýyq jumys oryndary ashyldy.

Kólik logıstıkalyq aımaǵynda 32,5 mlrd.teńgege 53 jumys ornyn qurýmen 8 joba júzege asyrylýda. Búginde 15,9 mlrd. teńgege 225 jumys ornyn qurýmen 3 joba júzege asyrylǵan. «Ońtústik» arnaıy ekonomıkalyq aımaǵynda jalpy ınvestısııa kólemi 42,9 mlrd. teńge turatyn 25 joba iske asyrylyp, 2,3 myńǵa jýyq jumys oryndary quryldy.

Jıyndy qorytyndylaǵan qala ákimi Shymkentti ınvestorlar úshin tartymdy qala qylý úshin barlyq jaǵdaıdy jasap, ınvestısııalyq jobalarǵa erekshe kóńil bólý kerektigin aıtty. Indýstrııaldy aımaqtarǵa qolǵa alynǵan jobalarǵa turaqty monıtorıng jumystaryn júrgizip, máselelerin sheshýde memlekettik qoldaýlar kórsetilýin tapsyrdy. Apta saıyn ótkiziletin ınvestshtabta berilgen tapsyrmalardyń oryndalýyn qatań baqylap otyratynyn jetkizdi.

"Qamshy" silteıdi
Ilmek sózder: Shymkent

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir