• USD 468.56

  • EUR 497.56

  • RUB 7.3

  • CNY 67.18

09 Aqpan, 07:09:57
Almaty
-1°

Táliptermen kezdesip, AQSh áskerin shyǵaryp áketkenshe olarǵa shabýyl jasamaý týraly alǵash kelisimge kelgen AQSh-tyń eks-prezıdenti Tramptyń ózi. Tálipter osy kezge sheıin bul shartty oryndady, Aýǵanstandaǵy 15 myńnan asa áskerı sol Tramptyń prezıdent kezinde-aq shyǵaryp áketildi. Qalǵan áskerılerdi de óziniń prezıdenttik merzimi aıaqtalǵansha shyǵaryp áketýge buıryq bergen, alaıda oǵan úlgere almaı qalypty.

Taǵy bir jaǵdaı – AQSh áskerılerine kómektesken aýǵan azamattarynyń aryzdaryn qabyldaý 2020 jyldyń aqpan aıynda toqtatylypty. Tramp ákimshiliginen aryzdardy qabyldaýǵa tyıym salynǵan. Ol personaldar áskerı bazalardaǵy aýdarmashylar, hatshylar, kúzetshiler, qoımashylar, eden jýýshylar, taǵy basqa da aqsha taýyp otbasyn asyrap júrgen qarapaıym aýǵan azamattary. Solardyń aryzdary Tramp kezinde bir jyl boıy qaraýsyz qalǵan.

Baıden kelisimen osy jumysty jandandyryp, aýǵan azamattarynyń aryzdaryn qaraı bastaǵan. Ol jumys Baıden kelgennen bastap kúni búginge sheıin tolastamaǵan. Aryzdy qaraý da ońaı emes, kemi 4-5 aı kerek, sebebi AQSh-qa evakýasııalanǵandar arasyna terrorıster enip ketpeýi kerek. Jan-jaqty tekserý ýaqyt alatyny aıan. Sondyqtan da Baıden táliptermen kelise otyryp evakýasııalaýdy 31 tamyzǵa deıin uzartty, alaıda 20 jyl boıy AQSh-qa kómektesken aýǵandar sany tym kóp. Soǵan qaramastan 100 myńnyń ústinde aýǵan azamaty AQSh-qa áketilip úlgerildi.

Bul – asa aýqymdy jumys. Azǵantaı ýaqyt aralyǵynda sonshama adamdy tasyp áketý buryn-sońdy bolmaǵan operasııa. Endi osyndaı kezde RF men Tramp ne istep otyrǵanyn qarańyz. Olar osy sátti paıdalanyp Baıdendi barynsha qaralaýǵa tyrysyp qalýda. Eger Tramp ekinshi kezeńge saılanǵan bolsa, onda sonshama aýǵandyq azamattar Aýǵanstanda qalyp keter edi de, olardy tálipter qyryp salar edi. Tramptyń aýǵandyqtardyń aryzdaryn bir jyl boıy qaramaýy sonyń jetkilikti dáleli. Oǵan Tramptyń arsyzdyǵy jetetin edi, sebebi aldynda da AQSh-qa kómektesken kúrdterdi aıdalaǵa tastap ketken edi. Júz myńnan asa aýǵandyqtyń baǵyna oraı, bılikke Baıden kelip olar bir ajaldan qaldy.

Al Reseıdiń jaǵdaıy aıtpasa da túsinikti, Baıden kelgeli sanksııalar serııasy qaıta bastaldy. Sondyqtan olar Baıdendi tuqyrtýǵa barynsha tyrysady.

RF men respýblıkashyldar ótirikti qarsha boratýdan da taıynar emes. Kezinde Gebbels ótirik neǵurlym aýqymdy, kóp bolsa soǵurlym nanymdy bolady depti, bulardyń taktıkasy soǵan uqsaıdy. Mysaly, AQSh Aýǵanstanda eki trln qarjy jumsady, mlrd-taǵan qarý-jaraqtaryn tastap ketti degen aqparattar tolyp júr. Munyń bári de feık habarlar.

Shyndyq mynada, amerıkalyqtar barlyq áketýge tıisti qarý-jaraq, oq-dárilerin mańaıdaǵy bazalaryna tasyp áketken, al qalǵandaryn isten shyǵaryp ketipti. Barlyq PVO, ushaq, tikushaqtarynyń programmalyq chıpterin ózderimen ala ketken. Ondaı qarýlar atylmaıdy da, usha da almaıdy. Olar biz oılaǵandaı aqymaq emes, aýǵan armııasynyń qolynan túk te kelmeıtinin sezgen.

Qýanysh Edilhantegi

Halyqaralyq sholýshy

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir