• USD 424.85

  • EUR 504.21

  • RUB 5.84

  • CNY 65.86

20 Qazan, 07:05:50
Almaty
+11°

Foto: "Nur Otan" partııasynyń baspasóz qyzmeti

Qıyn ómirlik jaǵdaıǵa tap bolǵan nemese zorlyq-zombylyqqa ushyraǵan otbasy men balalary bar analardi qoldaý boıynsha «Nur Otan» partııasynyń saılaýaldy ýádeleri aıasynda elimizdiń ár qalasy men aýdanynda 234 ortalyq ashý máselesi Otbasy, áıelder jáne balalardyń quqyqtaryn qorǵaý máseleleri jónindegi respýblıkalyq qoǵamdyq keńestiń otyrysynda qaraldy, dep habarlaıdy partııanyń baspasóz qyzmeti.

Keńes tóraǵasy, Májilis depýtaty Dınara Zakıevanyń aıtýynsha, búginde «Baqytty otbasy» partııalyq jobasy aıasynda qıyn jaǵdaıǵa tap bolǵan 80 myńnan astam otbasyǵa kómek kórsetildi.

Dınara

«Jol kartasyna sáıkes elimiz boıynsha 2,3 myń jedel áreket etý toby jumys isteıdi. Bıylǵy jyldyń birinshi jartyjyldyǵynda 17 myńnan astam otbasyǵa kómek kórsetildi. Osylaısha, 10 myń adam jumysqa ornalasty. Taǵy 4,5 myń adamǵa túrli qujattardy rásimdeýde zańgerlik jáne konsýltatıvtik kómek kórsetildi. «Baqytty otbasy» jobasy aıasynda Aqmola, Aqtóbe, Almaty, Jambyl jáne Pavlodar oblystary úzdik nátıje kórsetti», - dedi ol.

Onyń aıtýynsha, partııalyq jobany júzege asyrýdyń mańyzdy baǵyttarynyń biri balalarǵa qosymsha bilim berý uıymy. Osylaısha, jobanyń arqasynda az qamtylǵan otbasylardan shyqqan 17,3 myń bala basseınder men sport klýbtaryna tegin barý múmkindigine ıe boldy.

«Bul rette qosymsha bilim berý mekemelerindegi jaǵdaılar men olar kórsetetin qyzmetterdiń sapasyna kóńil bólý mańyzdy. Qazirgi ýaqytta mádenıet jáne sport mınıstrligi Balalarǵa arnalǵan memlekettik shyǵarmashylyq jáne sporttyq tapsyrystar tetigin engizý boıynsha jumys júrgizýde. Nátıjesinde 2021 jyly shyǵarmashylyq úıirmeler men sport seksııalarynda tegin sabaqtarǵa 83 myńǵa jýyq bala qatysa alady. Biraq óńirlerde qosymsha bilim berý mekemelerinde kóptegen aqaýlar bar. Atap aıtqanda, shirik qabyrǵalar, balalar men jasóspirimderdiń sport mektepterinde, dene shynyqtyrý-saýyqtyrý, aýla klýbtary tolyǵymen qamtamasyz etilmegen. Biz memlekettik organdarmen jáne partııa fılıaldarymen problemalyq nysandar boıynsha jumys istep, jóndeý jumystaryn júrgizdik. Qazir barlyq qosymsha bilim berý mekemelerine monıtorıng júrgizip, egjeı-tegjeıli jumys josparyn jasaý arqyly sharalar qabyldaý qajet», – dep tolyqtyrdy Dınara Zakıeva.

Dınara

Ol sondaı-aq keńes jumysynyń qorytyndysy boıynsha 23 balalardy ońaltý ortalyǵyna jóndeý jumystary júrgiziletinin atap ótti. 

«Aldyńǵy otyrysta Keńes ońaltý ortalyqtarynyń jaǵdaıyna monıtorıng júrgizý úshin barlyq óńirdiń ákimdikterine júgindi. Nátıjesinde anyqtalǵan eskertýlerdi joıý úshin materıaldyq-tehnıkalyq bazany jóndeýge jáne jaqsartýǵa qarajat bólinedi», – dedi ol.

Dınara

Aqparat jáne qoǵamdyq damý mınıstrliginiń Jastar jáne otbasy isteri komıtetiniń tóraǵasy Shahmardan Baımanov otbasyn qoldaý, otbasylyq janjaldardy sheshý jáne balalary bar áıelderge ýaqytsha turýǵa usyný úshin 2025 jylǵa deıin 234 ortalyq ashý boıynsha júrgizilip jatqan jumys týraly aıtty.

«Sol ortalyqtardyń qyzmetterin úzdiksiz usyný úshin 2022 jyldan bastap óńirlerde jergilikti bıýdjet esebinen, onyń ishinde memlekettik áleýmettik tapsyrys arqyly tıisti qarajat qarastyrý kózdelip otyr. Bizde ákimdiktermen kelisim-hattar bar», – dedi Shahmardan Baımanov.

Partııanyń baspasóz qyzmetiniń habarlaýynsha, kezdesýde jekemenshik balabaqshada taıaq jegen 5 jasar almatylyq búldirshinniń anasy da sóz sóıledi. Ol kóptegen tártip buzýshylyqtar týraly aıtyp, shaǵyn jáne orta bıznesti tekserýge moratorııdiń kesirinen memlekettik organdar jekemenshik balabaqshalardyń qyzmetin teksere almaıtynyn atap ótti. Bul máseleni Keńes músheleri jeke otyrysta qaraıtyn bolady.

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir