• USD 424.85

  • EUR 504.21

  • RUB 5.84

  • CNY 65.86

16 Qazan, 01:45:59
Almaty
+4°

Almatynyń barlyq aýmaǵynda jańa zamanaýı mektep stadıondary men oıyn alańdary paıda bolady. Qazirgi ýaqytta 40-tan astam qalalyq mektep alańdary qaıta jańartylýda. Bul týraly óńirlik kommýnıkasııalar qyzmetinde ótken brıfıngte qalalyq Bilim basqarmasynyń basshysy Lázzat Jylqybaeva aıtty.

L. Jylqybaevanyń aıtýynsha, qazirgi tańda sportpen shuǵyldaný, salaýatty ómir salty – basqarma jumysynyń negizgi baǵyttarynyń biri bolyp tabylady.

«Biz joǵary deńgeıdegi sporttyq baǵyttaǵy qaýipsiz alańdar jasaǵymyz keledi», - dedi bilim basqarmasynyń basshysy.

L. Jylqybaeva Almaty qalasy bilim basqarmasy memlekettik-jekemenshik áriptestik jobasy aıasynda qazirgi ýaqytta №10, 42, 63, 93, 94, 104, 128, 173, 181, 189 mektepterdiń 8 sport alańyn jáne kópsalaly kolledjdi jańǵyrtýda ekenin basa aıtty.

«Investısııa kólemi 400 mıllıon teńgeden asady. Buǵan deıin osy jobalar aıasynda №40 jáne 95 mektepterdiń aýmaǵynda sport alańdary jańartyldy», - dedi Bilim basqarmasynyń basshysy.

L. Jylqybaevanyń aıtýynsha, jańa sport alańdary mektep oqýshylaryn qyzyqtyratyn orynǵa aınalady. Sondyqtan, jergilikti bıýdjet esebinen, 2021 jyly №151, 185, 179, 169, 184, 149, 82, 180, 182, 133, 130, 16 mektepterde 2021 jyly 33 mektep sport alańy jańǵyrtylýda. №67, 144, 34, 90, 38, 60, 69, 102, 66, 29, 28, 98, 186, 192, 187, 32, 71, 89, 106, 83 jáne №1 balalar úıinde. Bul sharalarǵa jergilikti bıýdjetten 1 mlrd astam teńge qarastyrylǵan.

Bıyl Almaty qalasy ákimdiginiń memlekettik tapsyrysymen qala mektepterinde oqýshylarǵa arnalǵan sport seksııalary uıymdastyrylady. Aıta keterligi, jattyqtyrý jumysymen aınalysatyn dene shynyqtyrý muǵalimderiniń aılyqtaryna ústemaqy qosylady.

"Qamshy" silteıdi
Ilmek sózder: Almaty

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir