• USD 468.56

  • EUR 497.56

  • RUB 7.3

  • CNY 67.18

29 Naýryz, 19:14:47
Almaty
+35°

Almaty ákimi Baqytjan Saǵyntaev almatylyqtardy COVID-19-ǵa qarsy ekpeni tezirek qabyldaýǵa shaqyrdy, qalalyqtarǵa «Spýtnık V» jáne QazVac jáne Vero Cell vaksınalary usynylady.

«Almaty» TA-daǵy Akimat Live baǵdarlamasynyń tikeleı efırinde qala turǵyndarymen apta saıyn baılanysqa shyǵatyn qala ákimi B. Saǵyntaev qazirgi epıdemıologııalyq ahýal týraly aıtty. 18 tamyzdaǵy jaǵdaı boıynsha megapolıste koronavırýs ınfeksııanyń 125 530 oqıǵasy tirkeldi, onyń ishinde 104 950 sımptomdy jáne 20 580 sımptomsyz, 2133 anyqtalmaǵan pnevmonııa jaǵdaıy.

«1 qyrkúıekten bastap 300 myńǵa jýyq mektep oqýshylary, 68 myń kolledj stýdentteri, 170 myń joǵary oqý oryndarynyń stýdentteri oflaın oqýdy bastaıdy. Biz balalarymyzdy táýekelge ushyratpaý, olardy aýrýdan qorǵaý, qalada ınfeksııanyń jańa órshýiniń aldyn alý úshin árkimniń jeke jaýapkershiligi týraly oılanýymyz kerek», - dep atap ótti B. Saǵyntaev.

17 tamyzda bir táýlikte koronavırýs ınfeksııasynyń 1403 jaǵdaıy tirkeldi, onyń ishinde 1319 sımptommen jáne 84-i sımptomsyz. Anyqtalmaǵan pnevmonııa - 3. Qýattylyǵy 8 910 tósek-oryn bolatyn ınfeksııalyq stasıonarlarda 6 074 naýqas, onyń ishinde 188 bala emdelýde. Aýrýhanaǵa jatqyzylǵandardyń jalpy sanynyń 235-iniń jaǵdaıy óte aýyr, 2046-sy aýyr, 3793-i ortasha aýyrlyqta. Emdelip shyqqandar – 603, túskenderi – 771. Jansaqtaý bólimderi men ıntensıvti terapııada 434 jatyr. О́JJ apparatyna - 65, ınvazıvti emes О́JJ appratyda - 188, High flow apparatyna 194 naýqas qosylǵan.

Búginde AMSK pen Telemedısına ortalyǵynyń mobıldi toptary úıde 13 532 naýqasty baqylaýda, olardyń 543-i sımptomsyz, 12 687-si jeńil, 301-i ortasha aýyrlyqta. Stasıonardaǵy emdelýshilerdiń jalpy sanynan 1462 naýqas emdelip shyqty ári qaraı ambýlatorııalyq jaǵdaıda emdeledi jáne oqshaýlanady.

18 tamyzda vaksınany 823 223 adam aldy, onyń ishinde 5202 polısııa qyzmetkeri, 27 766 muǵalim, 32 395 medısına qyzmetkeri. Vaksınalanǵan adamdardyń jalpy sanynan 60 jastan asqandar 108 775 adamdy (13,2%) quraıdy. Búginde 648 959 adamǵa eki komponent egildi.

Búginde medısınalyq uıymdarda, mektepterde, mádenıet jáne sport nysandarynda, bazarlarda jáne qalanyń SOSO 167 vaksınalaý pýnkti jumys isteıdi. Bularda 1038 adamnan turatyn 234 ekpe brıgadasy jumys jasaýda. Búginde reseılik «Spýtnık V», qazaqstandyq QazVac jáne qytaılyq jańa Vero Cell vaksınalary salynýda.

"Qamshy" silteıdi
Ilmek sózder: Almaty

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir