«Domalaq ana» qoıylymy elordada sahnalanbaq

Alǵash ret Shymkent qalalyq Opera jáne Balet teatrynda sahnalaǵanǵan «Domalaq ana» qoıylymy endi «Astana Operada» sahnalanbaq. Ol úshin Shymkenttik óner ujymy Nur-Sultan qalasyna gastroldik saparmen attandy. Qoıylymdy elorda turǵyndarymen qonaqtary 2-shi jáne 3-qyrkúıek kúnderi «Astana Opera» teatrynan keshki saǵat 7-den bastap tamashalaı alady. Sonymen qatar, atalǵan qoıylymdy aldaǵy ýaqytta «Abaı» telearnasy da kórermen nazaryna usynady. Al, qoıylymǵa 230-daı akter qatyspaq.

Bul qalalyq opera jáne Balet teatr ujymynyń alǵashqy alys saparǵa shyǵýy. Sondyqtan jolǵa uzaq daıyndalypty. Onyń ústini karantın kezindegi demalystarda daıyndyqty tejegen. Soǵan qaramaı ujym taǵlymy men tarıhı máni tereń operany sahnalaýǵa tas-túıin daıyn. Al, olardyń úlken sahnada sátti óner kórsetip kelýlerine qala ákiminiń birinshi orynbasary sáttilik tiledi.

Shymkent qalasynyń opera jáne balet teatrynda úlken ózgerister oryn alyp jatqanyna ózderińiz de kýásizder. Álemge tanymal Maıra Muhamedqyzy qalamyzǵa kelgen soń eki aıdyń ishinde «Domalaq ana» operasyn sahnalap shyqty. Endi sol qoıylymmen Elordaǵa attanǵaly otyrsyzdar. Joldaryńyz bolsyn! Bul sapar elimizdiń Konstıtýsııasy kúni merekesimen qatar kelip otyr. Aldaǵy on jyldyń ishinde Shymkenttiń mádenıet salasynyń shoqtyǵy budan da bıikke kóteriledi dep senemiz. Sebebi, qala ákimi Murat Áıtenovtyń bastamasymen Shymkentte arnaıy opera zaly salynady dep josparlanyp otyr. Nur Sultannyń qoıylymǵa kelgen árbir turǵyny keremet áser alyp qoıylymdy jaqsy tamalap shyqsa onda maqsattyń oryndalǵany. Sol úshin sáttilik tileımin.

Aıtyp óteıik, «Domalaq ana» – Táýelsiz Qazaqstan jyldarynda jazylǵan ekinshi opera. Jańa qoıylym Shymkentte alǵash ret sahnalandy. Kóktemde kórermen nazaryna usynylǵan qoıylym osy ýaqytqa deıin 29 ret kórermen nazaryna usynylǵan. Biraq, ujym bul joly elordalyq kórermender úshin tolyqtyrýlar engizipti.

Opera jáne balet teatrynyń dırektory Maıra Muhamedqyzynyń aıtýynsha, pandemııaǵa baılanysty eki jyldan bergi alǵashqy saparǵa ujym tyńǵylyqty daıyndalǵan.

Endi qazir biz tolyqtap, Báıdibek atamyzdyń da danalyǵyn Domalaq ananyń da abyz anaǵa aınalǵan danalyǵyn osy joly tolyqtap monolog qosyp kishkene rettep aldyq.

Nur-Sultan qalasyna qoıylymdy sahnalaý úshin teatrdyń 170-ke jýyq qyzmetkeri attansa, elordadan 50-ge jýyq maman men arnaıy aspaptarmen qosylyp, «Domalaq ana» operasy naqyshyna keltirip oryndalmaq. Sapar aldynda teatrdyń bas sýretshisi Baqtybaı Kúzembaev sátti sapar tilep, bata berdi. Sóıtip, bas-aıaǵy 230 adam Domalaq ana operasynyń tolyqtyrylǵan nusqasyn kórermen nazaryna usynady.