Foto: Shymkent qalasy ákiminiń baspasóz qyzmeti
Shymkent qalasynda mal sharýashylyǵyn damytý maqsatynda túrli jańa jobalar qolǵa alyndy. Sonyń biri maldardyń teılerıoz, pıroplazmoz, anaplazmoz sekildi parazıtorlyq aýrýlarymen kúresýge baǵyttalyp otyr.
Qalalyq aýylsharýashylyǵy jáne veterınarııa basqarmasynyń málimdeýinshe, usynylyp otyrǵan jobanyń maqsaty - endoglobýlıarlyq parazıtter men flagellalardan (pıroplazmozdar, teılerıoz) týyndaǵan aýyl sharýashylyǵy janýarlarynyń qan parazıtarlyq aýrýlarynyń aldyn alý, aýrýdy erte kezeńde anyqtaý jáne tıimdi kúres júrgizý.
Statıstıkaǵa sáıkes, elimizdiń ońtústik óńirlerinde maldyń 95 paıyzy teılerıoz jáne pıroplazmoz aýrýymen, 40 paıyzy anaplazmoz aýrýyna shaldyǵady eken. Bul janýarlardyń ólimi men ónimdiliktiń tómendeýine alyp kelip, aıtarlyq ekonomıkalyq zalal keltiredi deıdi mamandar.
Sondyqtan jobaǵa sáıkes sharýaqojalyqtaǵy iri qara maldardyń parazıtorlyq aýrýlaryn anyqtaý úshin saraptama alynyp, «Antıgen» ǵylymı-óndiristik kásipornyna laboratorııalyq jumystar júrgizýge joldandy. Kelesi kezekte usaq maldardan alynady. Osylaısha mal aýrýlarynyń deńgeıin anyqtap, júıeli emdeý sharasyn júrgizýge múmkindik týady.
Qate tapsańyz, qajetti bólikti tańdap ctrl+enter basyńyz.
Pikir qaldyrý
pikir