Joǵary sanattaǵy qoımalar qurylysy óndirisiniń jobasy tanystyryldy

Shymkentte qala ákiminiń tóraǵalyǵymen ótken ınvestısııalyq shtabtyń kezekti otyrysynda jańa jobalar usynylǵan bolatyn.

Kezekti jıynda «IýjStroıServıs» JShS joǵary sanatty qoımalar qurylysy jobasyn tanystyrdy. A sanatynda qoımalar óndirisiniń qýattylyǵy – 10 myń sharshy metrge deıin.
Joba quny – 1 100 mln teńge. Jer teliminiń aýmaǵy – 2,5 ga. Investorlar jobany 2022 jyly júzege asyrýdy josparlaýda. Joba boıynsha 60 adam turaqty jumys ornymen qamtylady.

Shtab otyrysynda ınvestorlar óndiris úshin jer telimi qajet ekenin málimdedi. Kásipkerlerge saýda-logıstıkalyq ortalyq aýmaǵynan jer telimi usynyldy.

Shaharda saýda-logıstıkalyq, óndiristiń túrli baǵyttary jan-jaqty damyp keledi. Bul rette óndiris úshin qajetti daıyn qoımalar salýdyń mańyzy zor.