• USD 472.68

  • EUR 466.91

  • RUB 8.01

  • CNY 66.45

05 Qazan, 16:59:16
Almaty
+15°

Shymkent qalasynyń ákimi Murat Áıtenov qalalyq Ádilet departamentiniń basshysymen onlaın jınalys ótkizip, saladaǵy ózekti máselelerdi talqylady.

Departament basshysy Nurjan Mahambetov 6 aıda atqarylǵan jumystar jóninde baıandady. Departament óz quzyryna saı jyljymaıtyn múlikke quqyqtardy, zańdy tulǵalardy, azamattyq hal aktilerin tirkeý salalaryn baqylaý, notarıat, advokatýra, zań keńesshileriniń, sot oryndaýshylarynyń qyzmetterin retteý, zııatkerlik menshik quqyqtaryn qorǵaý fýnksııalaryn iske asyratynyn aıtty.

Zańdy tulǵalardy tirkeý baǵytynda aýdandyq ákimdiktermen baılanysa otyryp kópqabatty turǵyn úılerdegi 95 menshik ıeleriniń birlestikterin tirkegen. Atap aıtqanda, Abaı aýdany – 40; Ál-Farabı aýdany – 41; Eńbekshi aýdany – 6; Qarataý aýdany – 87.
Sonymen birge, sot aktilerin oryndaý barysynda zańsyz salynǵan qurylystardy buzý týraly sot sheshimderin oryndatý jáne alıment óndirtýde másele týatynyn aıtty. Qazirgi tańda zańsyz nysan boıynsha 44 iste boryshkerler ózderi qajetti tehnıkany tartyp, buzý jumystaryn júrgizbeý saldarynan májbúrlep oryndatý qıyndyq ákelgen.

Alıment óndirý sanatyndaǵy óndiristerdiń kóbisi boıynsha boryshkerler qajetti tólemderdi jasaýda. Biraq, 713 is aıasynda 627 mln. teńge quraıtyn qaryz qalyptasyp tur. Barlyǵy derlik qaryzdy óndirýge jeterlik boryshkerlerdiń múlikteri men tabystary joqtyǵynda. Olardy Halyqty jumyspen qamtý ortalyǵynyń yqpalymen jumyspen qamtýǵa baǵyttalǵan is-sharalary júrgizilýde. Bıyl 142 boryshker jumyspen qamtyldy, sondaı-aq 342 adam jumys izdeýshi retinde tirkeldi.

Qala ákimi aqparattyq jumystardy kóptep júrgizýdi, menshik ıeleriniń birlestigin tirkeýdi jedeldetýdi, kóp balaly jáne áleýmettik kómekti qajet etetinderge tegin zańdyq keńester berip turýdy, sondaı-aq, balalaryn tastap ketken ákelerden alıment óndirýde josparly jumys júrgizýdi tapsyrdy.

"Qamshy" silteıdi
Ilmek sózder: Shymkent

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir