• USD 468.56

  • EUR 497.56

  • RUB 7.3

  • CNY 67.18

09 Aqpan, 06:23:08
Almaty
-1°

Prezıdent Qasym-Jomart Toqaevtyń jarlyǵymen Murat Káribaıuly Bektanov Qazaqstanyń Qorǵanys mınıstri laýazymyna taǵaıyndaldy. Bul týraly Toqaevtyń baspasóz hatshysy Berik Ýálı facebook paraqshasynda habarlady.

Buǵan deıin M.Bektanov Qorǵanys mınıstriniń birinshi orynbasary – Qazaqstan Respýblıkasy Qarýly Kúshteri Bas shtabynyń bastyǵy qyzmetin atqarǵan.

Bektanov Murat Káribaıuly 1965 jyly 18 qyrkúıekte Soltústik qazaqstan oblysy Sokolovka aýylynda dúnıege kelgen. 1988 jyly Kıevtik joǵary qarýly qolbasshylyq ýchılıshesin bitirgen.

1989-1990 jyldary – motoatqyshtar vzvodynyń komandıri, desanttyq-shabýyldaý vzvodynyń komandıri.

1990-1993 jyldary desanttyq-shabýyldaý batalonynyń barlaý bastyǵy bolǵan.

2000 jyly Qazaqstan Respýblıkasy Qarýly Kúshteri Áskerı akademııasyn bitirgen. 2000-2001 jyldary – top bastyǵy, Qazaqstan Respýblıkasy Qarýly Kúshteri Bas shtabynyń jedel josparlaý bóliminiń aǵa ofıseri.

Buǵan deıin atalǵan qyzmetti Nurlan Ermekbaev atqarǵan. Ol Jambyl oblysyndaǵy jarylys bolǵanyn estigen alǵashqy sátte otstavkaǵa ketý týraly oılaǵanyn, otstavka týraly aryz jazatynyn málimdegen.

26 tamyz kúni Jambyl oblysy Baızaq aýdanynda ornalasqan áskerı bólimde saǵat 19:00 shamasynda qoımalardyń biriniń janynda órt shyqqan. О́rt saldarynan qoımadaǵy oq-dári jarylyp, saldarynan 15 adam qaza tapqan. Olardyń arasynda órt sóndirýshiler, tótenshe jaǵdaı mınıstrliginiń, áskerı bólimniń, áskerı kúzet pen áskerı prokýratýranyń qyzmetkerleri bar. Áskerı bólimnen jarty shaqyrym jerdegi Qaınar aýylyndaǵy úıler búlingen.

Jarylystan qaza tapqandardyń tolyq aty-jóni tómendegideı:

Efreıtor R.S.Janbolatov – 40 jasta

Serjant M.S.Mershimbaı – 40 jasta

Starshına E.E.Nádirbekov – 41 jasta

Azamattyq qyzmetker O.D.Dálibaev – 59 jasta

Ońtústik óńirdiń áskerı prokýrory A.Q.Qapezov – 44 jasta

Serjant-órt sóndirýshi A.S.Temirbolatov – 28 jasta

Polkovnık M.K.Aımanov – 45 jasta

Podpolkovnık A.N.Mıkropýlo – 50 jasta

Serjant, aǵa órt qutqarýshysy E.Q.Sandybaev – 30 jasta

Serjant, aǵa órt qutqarýshysy T.Q.Tórebekov – 40 jasta

Maıor S.J.Álimbekov – 36 jasta

Maıor, qaraýyl basshysy S.V.Zaıkın – 41 jasta

Aǵa serjant, júrgizýshi G.J.Qýatbek – 26 jasta

Kishi serjant, órt qutqarýshysy Á.Q.Ádilbek – 25 jasta

Qatardaǵy órt sóndirýshi Á.B.Keńes – 22 jasta

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir