«Eńbek» baǵdarlamasy qala turǵyndaryna tıimdi bolyp otyr

Nátıjeli jumyspen qamtýdy jáne jappaı kásipkerlikti damytýdyń 2017-2021 jyldarǵa arnalǵan «Eńbek» baǵdarlamasy qala turǵyndaryna tıimdi bolyp otyr. Baǵdarlamanyń ásirese, azamattardyń turmysyn jaqsartyp, óz kásipterin ashýǵa, qaıtarymsyz grant pen tómen paıyzdyq mólsherlememen beriletin shaǵyn nesıeler alyp, isterin bastaýǵa septigin tıgizýiniń mańyzy zor.

«Eńbek» baǵdarlamasynyń mańyzdylyǵyn sezingen turǵyndardyń biri - Shymkenttik Venera Jamalova. Ol bıylǵy jyldyń sáýirine deıin memlekettik ataýly áleýmettik kómek alýshylardyń qatarynda edi. Memlekettiń ýaqytsha kómegine qol jaımaı,búginde jubaıy turaqty jumysqa ornalasýdy jón kórdi. Nátıjesinde, baǵdarlama aıasynda tapqan jumys ornynda aılyq kórsetkishi de joǵary bolyp, áleýmettik jaǵdaıdy da turaqtaldy.

- Men 2020 jyldyń maýsym aıynan bıylǵy jyldyń sáýirine deıin AÁK alyp keldim. Qıyn sátte memlekettiń osy kómeginniń arqasynda otbasymyzdy asyraýǵa, múgedektigi bar balamnyń emine de qarjylaı kómek boldy. Al qazirgi ýaqytta joldasym turaqty jumysqa ornalasyp, úı salýdy da bastadyq. Osyndaı kórsetilgen kómekke alǵysymyzdy bildiremin.

Sonymen qatar, Venera bıyl halyqty jumyspen qamtý ortalyǵy arqyly 21 kúndik «Bıznes bastaý» oqý kýrsyna joldanyp, qolyna sertıfıkatyn da alyp otyr. Aldaǵy ýaqytta qaıtarymsyz memlekettik grantqa ótinim berip, óz kásibin ashýǵa nıetti.