AQTAÝDA KО́PPÁTERLI TURǴYN ÚIDIŃ KILTI TABYSTALDY

Aqtaý qalasynda El Táýelsizdiginiń 30 jyldyǵy aıasynda jáne Konstıtýsııa kúnine oraı 18 shaǵynaýdanda ornalasqan 4 turǵyn úı paıdalanýǵa berildi. 180 páterden turatyn úı «Nurly jer» memlekettik baǵdarlamasy aıasynda boı kótergen.

Kilt tabystaý rásimine Aqtaý qalasynyń ákimi N.Qılybaı qatysyp, baspanaly bolǵan azamattardy qonys toımen quttyqtady.

«Qalamyzda memleket qoldaýynyń nátıjesinde baspanaly bolyp, qonys toıyn toılaıtyndar sany artyp keledi. 

Osy jazda «Akký-3» turǵyn úı kesheninen 443 páter tabystalyp, qýanyshtyń kýási boldyq. Búgin mine jalpy aýdany 10150 sharshy metr bolatyn jańa turǵyn úıdi paıdalanýǵa berýdemiz. Merekemen tuspa-tus kelgen qonys toılaryńyz qutty bolsyn. Shańyraqtaryńyz shattyqqa toly bolyp, bereke-birligimiz arta bersin», - dedi qala basshysy.

Sharaǵa jınalǵandar tolyq emes otbasy Medına Alagózovanyń jańa shańyraǵynda bolyp, dám tatty. Jańa qonystyń alǵashqy qonaǵy bolǵan aýyl aqsaqaldary bata berdi. 

Keler jyly 19A jáne 18 shaǵynaýdandardan kóppáterli 9 turǵyn úı paıdalanýǵa berý josparlanýda. 

Osylaısha óńirde qonys toıyn toılaýshylar sany artpaq. 

#Qazaqstan30

AQTAÝ QALASY ÁKIMINIŃ BASPASО́Z QYZMETI