26 Tamyz, 2021 NEWS
Foto: gossluzhba.kz
Almaty qalasynyń bas sanıtar dárigeri Jandarbek Bekshın bıylǵy oqý jylyna arnap jańa qaýly jarııalady.
"2021-2022 oqý jylynda barlyq menshik nysanyndaǵy jáne vedomstvolyq baǵynystaǵy bilim berý uıymdarynda shtattyq formatta oqýǵa ruqsat etilsin" delingen qujatta.
Bekshın 2021 jylǵy 29 tamyzdaǵy №36 qaýlysyna sáıkes tómendegideı talap engizdi:
- pedagogter men personal 100% vaksınasııalanýy qajet;
- uıymǵa kirý kezinde "Ashyq" qosymshasyn engizý kerek;
- maska rejımin saqtaý qajet;
- buqaralyq is-sharalardy ótkizýge tyıym salynady; (mádenı, tárbıe, synyptan tys jáne ata-analar jınalystary jáne t. b.)
- mektepke deıingi jáne orta bilim berý uıymdarynda toptar men synyptardy biriktire otyryp is-sharalar ótkizýge tyıym salynady;
- bógde adamdardyń kirýine tyıym sala otyryp, COVID-19-ǵa qarsy vaksınasııa alǵan stýdentter jataqhanaǵa ornalasa alady.
Qate tapsańyz, qajetti bólikti tańdap ctrl+enter basyńyz.
Pikir qaldyrý
pikir