"Sapasy joq". Aımaǵambetov eldegi ýnıversıtetterge qatysty oıyn aıtty

Bilim jáne ǵylym mınıstri Ashat Aımaǵambetov Qazaqstanda jekemenshik joǵary oqý ornyn ashý – jaqsy tabys kózine aınalǵanyn aıtty.  

– Biz japqan bir ýnıversıtettiń quryltaıshysy, oqý ornynan tabatyn qarjy kólemi 4 mlrd teńgeden astam ekenin aıtty. Bul – qyrýar aqsha ǵoı. Biraq bizge keregi ol – sapa. Biz úshin oqý orny jekemenshik pe, memlekettik aıyrmashylyq joq. Keregi – bolashaq mamandarǵa sapaly bilim berý. Eger tıisti deńgeıde bilim berilip, tıisti talaptar oryndalyp jatsa, biz ol oqý ornyn qoldaımyz. Tıisti granttar beremiz. Alaıda tekseris nátıjesinde talaptarǵa saı kelmeıtin kóptegen ýınversıtetter lısenzııasynan aıyrylyp jatyr. Elde pedogogterdi daıyndaıtyn 86 ýnıversıtet bolǵan. Onyń sany – bar, sapasy – joq. Qazir olardyń sany 50-ge qysqardy. Biz áli de olardyń sanyn azaıtamyz, – dedi mınıstr.  

Aımaǵambetovtyń aıtýynsha, búginde 38 joǵary oqý orny lısenzııasynan aıyrylǵan.100 myńǵa jýyq stýdent basqa ýnıversıtetke aýysyp jatyr.

– Tekseris toqtamaıdy. Maqsat – stýdentterge sapaly bilim berý. Osy tekseristiń nátıjesinde, kóptegen oqý oryndary ózderiniń bilim berý baǵdarlamalaryn, materıaldyq tehnıkalyq bazasyn jańartyp jatyr. Oqýlyqtar satyp alyp jatyr. Sabaq, emtıhandaryn tıisti deńgeıde ótkizip jatyr. Bul – az ýaqyt kólemindegi jaqsy kórsetkish, – dedi ol.