Almatynyń QHA qalalyqtardy COVID-19-ǵa qarsy vaksınalanýǵa shaqyrady

«Eń bastysy – halyqtyń vaksınalanýy. Basqa balama joq» – Almatynyń QHA qalalyqtarǵa úndeý joldady

Almatydaǵy Qazaqstan halqy Assambleıasynyń músheleri jalpy ımmýndaý boıynsha túsindirme naýqanyn qoldady jáne otandastardy vaksınalanýǵa belsendi túrde shaqyrady.

– Bizdiń mindet, Almaty qalasyndaǵy Qazaqstan halqy Assambleıasynyń mindeti – jurtshylyqtyń nazaryn pandemııany toqtatýǵa aýdarý. Bárimizge belgili, ol úshin áleýmettik qashyqtyqty, betperde rejımin saqtaý, adamdar kóp jınalatyn jerlerge barmaý kerek. Eń bastysy – halyqtyń vaksınalanýy. Basqa balama joq. Buǵan men jeke ózim kóz jetkizdim, óıtkeni, kóptegen tanystarym men dostarym koronavırýstan qaıtys boldy. Bul qaýipti dert eshkimdi aıamaıdy, – dedi QHA qalalyq fılıalynyń Qoǵamdyq kelisim keńesiniń tóraǵasy Ahmetjan Shardınov.

Assambleıa músheleri eńbek ujymdary arasyndaǵy túsindirý jumystaryna erekshe nazar aýdarý kerek dep esepteıdi. Vaksınalanýdan basqa, sanıtarlyq dárigerdiń basqa da talaptaryn saqtaý mańyzdy – bul maska taǵý, áleýmettik qashyqtyqty saqtaý jáne qoldy taza ustaý. QHA músheleri atalǵan sharalardyń barlyǵyn keshendi oryndaý el ekonomıkasyna oń yqpal etetinine senimdi.

– Biz men jumys isteıtin AKQZ-temiz. Bizdiń jumysshylardyń 90%-y vaksınalanǵan – bul jarnama úshin emes, adamdardyń qaýipsizdigi, laıyqty jalaqy alýy, otbasyn asyraýy úshin jasaldy. Bul kásiporynda «Ashyq» júıesi engizilgen. Densaýlyq pýnkti jumys isteıdi, qashyqtyq, maska rejımi saqtalady, – dedi Ahmetjan Shardınov.

Qalalyq QHA múshesi Jánibek Nálibaev ta qala turǵyndaryn vaksına saldyrýǵa, múmkindiginshe buqaralyq is-sharalardy, toılardy uıymdastyrmaýǵa,olardy toqtatýǵa úndedi. Ol barlyq epıdemıologııalyq talaptardyń saqtalmaıtynyn ókinishpen aıtyp ótti. Sondyqtan, halyqtyń densaýlyǵyn qorǵaý úshin vaksınalaný qajet. Ekpeniń tıimdiligi, qaýipsizdigi týraly jarııalanymdardy oqý da paıdaly.

«Ildash» tatar ortalyǵynyń ókilderi azamattardy túsinigin jetildirý maqsatynda jumysqa epıdemıologtar men ınfeksıonısterdi tarta bastady. Mamandar beıne baılanys arqyly almatylyqtarǵa ımmýndaýdyń artyqshylyqtaryn túsindirýde. Bul týraly ortalyq basshysy Nurııa Nııazova aıtty. Ol bul sharanyń jalǵan mıfterdi joıýǵa jáne halyqqa saýatty keńes berýge baǵyttalǵanyn atap ótti.

«Qurmetti almatylyq turǵyndar, vaksınalanýǵa qarsylyq bildirgen spıkerlerdi tyńdaǵanda olar dálel retinde keltiretin faktilerdi mindetti túrde tekserińizder. Munda tek quzyrly derekterge, saýatty mamandarǵa ǵana júgingen jón!», - dedi QHA qalalyq fılıaly tóraǵasynyń orynbasary Nurııa Nııazova. Ol óziniń vaksınalanǵanyn jáne sonyń arqasynda jumysyn jalǵastyryp jatqanyn atap ótti.

Almatydaǵy QHA ǵylymı-saraptamalyq toby tóraǵasynyń orynbasary Svetlana Ananeva: «Vaksınalanýsyz biz qoǵamda belgili bir shekti deńgeıge jete almaımyz. Dertti jeńý úshin mindetti túrde ekpe alǵan jón. Infeksııany juqtyrǵandardyń bireýiniń jaǵdaıy jeńil, al ekinshisiniki aýyr bolýy múmkin. Tek vaksınalaný ǵana qoǵamdy qaýipti dertten jáne elimizdi aýyr zardaptardan saqtaıdy», - dedi.

Eske salsaq, 2021 jyldyń 23 tamyz kúni jaǵdaı boıynsha koronavırýstyq ınfeksııanyń 1 505 jańa jaǵdaıy tirkeldi (jergilikti), onyń 1 441 sımptomdyq belgileri bar jáne 64 sımptomsyz. Barlyq emdelip shyǵarylǵandar – 1 035, kelip túskeni – 582. Infeksııalyq stasıonarlarda jalpy sany 6 104 adam (onyń ishinde 162 bala) emdelip jatyr. Jalpy reanımasııa jáne qarqyndy terapııa bólimshesinde – 472. Búgingi tańda AMSK men Telemedısına ortalyǵy dárigerleriniń baqylaýynda 13 349 naýqas baqylaýda.

О́tken táýlikterde 1-komponentpen 3 971 adam, 2-komponetpen 7 746 adam vaksınalandy. 01.02.2021-23.08.2021 jyl aralyǵynda qala boıynsha 1-komponentti 845 957 adam, 2-komponentti 684 119 adam saldyrdy. Vaksına alǵandardyń jalpy sanynan 60 jastan asqan qart kisiler 109 901 adamdy quraıdy.

Almatylyqtardy vaksınalanýǵa shaqyrady. Qalada medısınalyq uıymdarda, mádenıet, sport obektilerinde, bazarlarda jáne qalanyń SOSO-da 160 vaksınalaý pýnkti (250-ge deıin keńeıtý múmkindigimen) jumys isteıdi. Quramynda 1 028 adam bar 237 ekpe brıgadasy jumyldyryldy.