• USD 424.85

  • EUR 504.21

  • RUB 5.84

  • CNY 65.86

20 Qazan, 06:17:54
Almaty
+11°

Foto: Shymkent qalasy ákiminiń baspasóz qyzmeti

Shymkentte zańsyz jolmen qamyr qopsytqyshy men qurǵaq sút ónimderin óndirip kelgen jasyryn sehqa qatysty sot sheshimi shyǵaryldy. Jyl basynan beri zańsyz jolmen «Cykoyra S.A» jáne «Frima» saýda belgileriniń taýarlary Shymkent qalasynda ornalasqan qoımalardyń birinde óndirilip kelgen.

Kontrafaktili ónimder aýyr júk kólikterine tıelip sehtan tikeleı qaladaǵy saýda oryndaryna jáne elimizdiń ózge de aımaqtaryna jiberilip otyrǵan. Muny baıqaǵan atalǵan taýar tańbalarynyń ıeleri Shymkent qalasynyń Ádilet departamentine júgingen.

Ádilet departamenti qyzmetkerleri aryzdanýshylarmen quqyqtyq túsindirý jumystaryn júrgizip, nátıjesinde, Abaı aýdandyq polısııa basqarmasy «Cykorya S.A.» ataýymen qamyr qopsytqyshy (razryhlıtel testa) jáne «Frima» qurǵaq sút ónimderi qalada ornalasqan qoımanyń birinde zańsyz shyǵaryp otyrǵan tulǵany anyqtady.

О́z kezeginde Departament qyzmetkerleri qozǵaǵan ákimshilik quqyq buzýshylyq týraly is qujattaryn mamandandyrylǵan sotqa joldady. Sottyń 11 tamyzdaǵy qaýlysymen quqyq buzýshyǵa 58 340 teńge kóleminde aıyppul salynyp, quny 16 933 870 teńge quraıtyn aıǵaqty zattardy tárkileý týraly sheshim qabyldady. Quqyq buzýshy aıyppul tóledi.

О́nimderdi zańsyz shyǵarǵan tulǵa quqyq ıelerine keltirgen zııany 2000 AEK aspaıtyn bolǵandyqtan, ıaǵnı qylmystyq emes, ákimshilik jaýapkershilikke ákeletin zańsyz áreketter anyqtalǵandyqtan materıal Ádilet departamentine kelip tústi. Kontrafaktili ónimderdiń túpnusqadan aıyrmashylyǵy qoraptarynan, jaramdylyq merzimi týraly belgilerden, taýarlar túsinen, salmaǵynan baıqalady.

Sottyń májbúrlep oryndatý boıynsha qaýlysy sot oryndaýshylarǵa kelip túskennen keıin aıǵaqty zattar joıylatyn bolady.

"Qamshy" silteıdi
Ilmek sózder: Shymkent

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir