Shymkentte 200 túlek dıplom ala almaı júr

Shymkenttegi "Orda" ýnıversıtetin támámdaǵan 200-den astam túlek 2 aıdan beri dıplomyn ala almaı júr, dep habarlady 31 telearna. 

4 jyl boıyna 1 mıllıon teńgege aqy tólep oqyǵan pedagog pen logoped mamandary dıplom bolmaǵan soń jumysqa ornalasa almaı júrgenin aıtady. Buǵan oqý ornynyń úsh aı buryn lısenzııasynan aıyrylýy sebep bolǵan.

– Eki aı boldy dıplom ala almaı jatyrmyz. Eki aıdan beri úıde jumyssyz otyrmyz. Ne jumysqa tura almaımyz, ne magıstratýraǵa oqýǵa tapsyra almaımyz. 4 jyl boıy adal eńbegimizben oqydyq qoı. Biz oqýǵa qabyldanarda "biz 5 jylǵa akkredıtasııadan ótkenbiz, lısenzııamyzdan eshkim aıyra almaıdy" dep aıtqan bolatyn, – dedi túlekterdiń biri Zarına Sapar.  

– Men bir jylǵa magıstratýradan qaldym. Kelisip, sóılesip qoıǵan jumysymnan da qaldym. О́ıtkeni áli dıplom almaǵanmyn, menen buryn dıplom alǵan qyz ornyma kirip ketti, – deıdi shaǵymdanýshy Arýna Turǵyn. 

Ýnıversıtet basshylyǵy oqý orny 3 aı buryn lısenzııasynan aıyrylǵanyn moıyndap otyr. Mınıstrlik tarapynan kelgen tekserý qorytyndysy boıynsha 3 kemshilik anyqtalǵan. Dese de túlekterge dıplom beriletinin aıtady. 

– Bizde keste túzilgen. Sol boıynsha dıplom kezeń-kezeńmen beriledi. Erteń bastaýysh oqytý ádistemesi men pedagogıkasy mamandyǵyn meńgergender dıplom alady. Al defektologtar men beıneleý ónerin oqyǵan stýdentter aldaǵy 10 kúnde oqýdy bitirgeni týraly qujatqa qol jetkizedi, – dedi "Orda" ýnıversıteti prezıdentiniń keńesshisi Irına Efımova.