Foto: Aýǵanstannyń burynǵy SIM Mohammad Masýd Andarabıdiń Twitter paraqshasynan
Talıban uıymynyń áskeri Aýǵanstannyń soltústigindegi Baglan provınsııasyna janarmaı men azyq-túlik jetkizýge kedergi keltirip, jergilikti turǵyndardy urlaýmen aınalysyp otyr. Bul týraly Aýǵanstandy tálipter basyp alǵanǵa deıin vıse-prezıdent qyzmetin atqarǵan Amrýlla Saleh málimdedi.
– Tálipter Andarab eldimekenine janarmaı men azyq-túlik jetkizýge tosqaýyl qoıyp otyr. Gýmanıtarlyq ahýal óte nashar. Myńdaǵan áıel men bala-shaǵa taýǵa bosyp ketýge májbúr boldy. Sońǵy eki kúnde tálipter balalar men egde jastaǵy adamdardy urlap, olardy qozǵalys kezinde, bolmasa úılerdi tintýde tiri qalqan retinde qoldanyp otyr" dep jazdy ol Twitter-de.
Ol buǵan deıin Talıban bıligin moıyndamaıtynyn, Aýǵanstanda ekenin aıtyp, ózin memleket basshysynyń mindetin atqarýshy retinde jarııalaǵan. О́zge memleket basshylarynan kelisim men qoldaý kútetinin málimdegen.
Talıban uıymy 15 tamyzda Kabýldy basyp alyp, birneshe saǵatta Aýǵastan astanasyna tolyq baqylaý ornatqan. El prezıdenti Ashraf Ǵanı elden ketip qalǵan. Qazirgi ýaqytta kóptegen elder óz azamattary men Aýǵanstannyń keı sanattaǵy beıbit turǵyndaryn elden shyǵaryp jatyr. AQQ prezıdenti 14 tamyzdan beri Kabýldan 28 myń adam evakýasııalanǵanyn aıtqan. Ulybrıtanııanyń qorǵanys mınıstrligi 13 tamyzdan beri 6 myńǵa jýyq adaımdy elden shyǵarǵanyn málimdegen. Germanııa 3600 adamdy Aýǵanstannan alyp ketken. Sondaı-aq Italııa, Fransııa, Danııa sekildi elder de evakýasııalaý boıynsha arnaıy operasııalardy júrgizip jatyr.
18 tamyzda tamyzda Qazaqstanǵa Aýǵanstannan 42 adam jetkizilgeniá habarlanǵan. Onyń ishinde 25 adam Qazaqstan azamaty.
Buǵan deıin AQSh prezıdenti Djo Baıden Aýǵanstannan amerıkalyqtardy, qaýip tónýi yqtımal aýǵandardy evakýasııalaý qarqyny jyldamdaǵanyn, adamdardy elden shyǵarý merzimin uzartý boıynsha Talıban uıymymen kelissóz júrip jatqanyn aıtqan. Taraptar arasyndaǵy kelisim boıynsha evakýasııanyń sońǵy kúni 31 tamyzǵa sáıkes keledi.
Alaıda keshe Talıban uıymynyń ókili Sýheıl Shahın Dohada Sky News basylymyna suhbattasyp, áńgime barysynda AQSh pen Ulybrıtanııa áskerin Aýǵanstannan belgilengen merzimde shyǵarmasa, saldary aýyr bolatynyn aıtty.
Ol Baıdenniń áskerin elden 31 tamyzda shyǵaratyny týraly aıtqanyn eske alyp, merzimdi uzartqysy kelse, ony basyp alýdy jalǵastyrý dep baǵalaıtynyn, munyń esh qajeti joǵyn jetkizgen.
Qate tapsańyz, qajetti bólikti tańdap ctrl+enter basyńyz.
Pikir qaldyrý
pikir