• USD 424.85

  • EUR 504.21

  • RUB 5.84

  • CNY 65.86

25 Qańtar, 16:11:12
Almaty
-3°
 

«Nur Otan» partııasy azamattardyń ótinishterine barynsha den qoıyp keledi. Jyl basynan beri partııalyq baqylaý komıssııasynyń 1293 otyrysy ótkizilip, onda 4137 túıindi másele qaraldy. Olardyń ishinde jekelegen memlekettik organdarda halyqpen keri baılanystyń bolmaýy, bilim oshaqtarynyń tóńirigindegi qaýipsizdikti qamtamasyz etý qajettiligi, óńirlerdegi TKSh men jol ınfraqurylymynyń kóńil kónshitpeıtin jaǵdaıy sııaqty basqa da kóptegen máseleler bar.

«Nur Otan» baspasóz qyzmetiniń aqparatyna sáıkes, partııa Lıderi Nursultan Nazarbaevtyń halyqpen ózara is-qımyldyń belsendi formatyna kóshý jáne el Prezıdenti Qasym-Jomart Toqaevtyń bastamasymen qolǵa alynǵan «Halyq únine qulaq asatyn memleket» tujyrymdamasyn júzege asyrý jónindegi tapsyrmalary aıasynda jyl basynan beri azamattardyń ótinishteri negizinde 2 myńnan astam túrli reıd uıymdastyryldy.

Jańa oqý jyly qarsańynda nurotandyqtar Kókshetaý qalasydaǵy №13 gımnazııanyń tóńiregin tekserdi. Oqýshylardyń ata-analary jol ınfraqurylymy men kóshe shamdarynyń joqtyǵyna shaǵymdanǵan. Olardyń aıtýynsha, ásirese, qysta mektepke jetý qıyn. Partııanyń aralasýynan keıin ákimdik mektepke baratyn joldy jóndeýge jáne 30 qyrkúıekke deıin jaryq ornatýǵa ýáde berdi. Turǵyndardyń ótinishterine ýaqytyly jaýap bermegeni úshin partııa músheleri Kókshetaý qalasy ákiminiń orynbasary Baýyrjan Ernazarovqa «eskertý» túrindegi jaza qoldanýdy usyndy.

О́z kezeginde «Nur Otan» partııasy Qyzylorda oblystyq fılıalynyń partııalyq baqylaý komıssııasy Mahambet aýylyndaǵy orta mektep jańa ǵımaratynyń qurylysyn tekserdi. Munda buǵan deıin balalar úsh aýysymda oqýǵa májbúr boldy. Azamattar partııaǵa ótinish bildirgennen keıin 200 oryndyq úsh qabatty qosymsha ǵımarat salý úshin jergilikti bıýdjetten 380 mln teńgeden astam qarajat bólindi. Búginde jumystar 80%-ǵa aıaqtaldy. Nysandy qyrkúıek aıynyń sońyna deıin paıdalanýǵa berý josparlanyp otyr. Ǵımarat

Osyǵan uqsas tekserý jumystaryn Taraz qalasyndaǵy nurotandyqtar da júrgizdi. «Shalǵaı Qarasý» aýdanynda 600 oryndyq mektep salynýda. Qurylysty jyl sońyna deıin aıaqtaý josparlanyp otyr jáne ol partııanyń erekshe baqylaýynda bolady. Taraz

Almatyda «Nur Otan» partııasynyń ókilderi Alǵabas shaǵyn aýdany turǵyndarynyń jol-kólik oqıǵalarynyń jıilep ketýine jáne №164 balabaqshaǵa jaqyn jerde jyldamdyq rejımin saqtamaý faktilerine qatysty shaǵymdaryn tekserdi. Nurotandyqtardyń jedel aralasýynan keıin jol ótkelderine «Balalar» jáne «Jyldamdyqty shekteý 40» jol belgileri ornatyldy. Turǵyndardyń ótinishterine ýaqytyly jaýap bermegeni úshin Partııalyq baqylaý komıssııasy Almaty qalasy Alataý aýdany ákiminiń orynbasary Ádilet Toqtasynovqa «eskertý» túrindegi partııalyq jaza qoldanýdy usyndy. Ǵımarat

Partııanyń baspasóz qyzmeti atap ótkendeı, birinshi jartyjyldyqta partııalyq baqylaý komıteti men komıssııalary jeke jáne zańdy tulǵalardyń 716 ótinishin qaraǵan. Ortalyq jáne jergilikti atqarýshy organdarǵa 4 myńnan astam usynys berildi.

150 adam partııalyq jaýapkershilikke tartylsa, olardyń qatarynda birqatar vıse-mınıstrler, óńir ákimderiniń orynbasarlary, máslıhattardaǵy fraksııalar basshylary jáne t.b. bar. Olardyń ishinde túrli zań buzýshylyqtarǵa jol bergeni úshin 46 adam partııadan shyǵaryldy.

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir