Foto: Shymkent qalasy ákiminiń baspasóz qyzmeti
Shymkent qalasynda kómirqyshqyl gazyn qaıta óńdeıtin kásiporyn salý usynyldy. Qala ákiminiń tóraǵylyǵymen ótken ınvestısııalyq shtab otyrysynda «RET» JShS-niń ókili kómirqyshqyl gazyn qaıta óńdeıtin zaýyt jobasyn usyndy.
Joba quny – 3,5 mln AQSh dollaryn quraıdy. 2022-2023 jyldarǵa josparlanǵan joba táýligine 40 tonnadan astam kómirqyshqyl gazyn qaıta óńdeýge qaýqarly.
Shymkent qalasynda qaldyqtardy qaıta óńdeý úlesin arttyrý qajet ekenin aıtqan qala basshysy atalǵan jobanyń iske asyrylýyna barynsha qoldaý kórsetýdi tapsyrdy.
Jańa óndiris Shymkent qalasynyń ekologııalyq jaǵdaıyna oń áserin tıgizedi, sonymen birge turǵyndardy jańa jumys oryndarymen qamtamasyz etedi.
Atmosferaǵa kómirqyshqyl gazynyń tehnogendik túsýiniń negizgi kózi tútin gazdary bolyp tabylady. Tútin gazdaryn zalalsyzdandyrýdyń bir ádisi - olardan kómirqyshqyl gazyn alý. Kómirqyshqyl gazy tamaq ónerkásibinde keńinen qoldanylady.
Qate tapsańyz, qajetti bólikti tańdap ctrl+enter basyńyz.
Pikir qaldyrý
pikir